HAFAN CEFNI

Cafodd Blwyddyn 2 wahoddiad i ymweld  â thrigolion hyfryd â Hafan Cefni fis Rhagfyr.  Cafwyd croeso cynnes iawn gan bawb yno, ac roedd yn bleser cael y cyfle i ganu iddynt. 

Aethpwyd a llythyr 'diolch' i fynegi ein gwerthfawrogiad am y croeso arbennig a’r profiad bendigedig a gafwyd.

Mae'r ddau ddosbarth yn gobeithio yn fawr y cawn ddychwelyd yno yn y dyfodol agos i barhau i feithrin y cysylltiad arbennig hwn.

Llongyfarchiadau!

Rydym fel ysgol yn llongyfarch Mrs Elain Thomas a Mr Simon Thomas ar enedigaeth Gruff John.

Hefyd, llongyfarchwn Mrs Lisa Thomas a Mr Aled Thomas ar enedigaeth Bedwyr Fôn.

Pob dymuniad gorau i'r ddau deulu.

Croeso!

Rydym yn croesawu Miss Lois Jones a Mr Kelvin Frazer i’r ysgol fel athrawon.

Bydd Miss Jones yn dysgu yn y dosbarth Eilian, tra bod Mr Pritchard yn Ddirprwy Bennaeth dros dro. 

Bydd Mr Frazer yn dysgu yn y dosbarth Ffinan tra fod Mrs Lisa Thomas ar gyfnod mamolaeth.

Agor y Llyfr.

Hyfryd oedd croesawu ein cyfeillion 'Agor y Llyfr' draw i gynnal gwasanaeth gyda'r ddwy uned; Graig Fach a Graig Fawr. Y stori ar gychwyn y flwyddyn newydd oedd Iesu yn y Deml gyda disgyblion o ddosbarthiadau Cwyfan ac Edwen yn darllen ac actio. 

Rydym fel ysgol yn ddiolchgar iawn iddynt am ddod atom yn fisol, ac mae pawb - yn ddisgyblion a staff ym mwynhau'r gwasanaethau yn fawr iawn.