Llongyfarchiadau mawr i griw dosbarth y Nyth gyda Mrs Moore. Daeth y disgyblion yn gyntaf drwy Gymru gyfan gyda'u gwaith Celf! Cyflwynwyd medal Aur iddynt yn yr Eisteddfod ar y dydd Sadwrn cyntaf.

Roeddem yn hynod falch o berfformiadau ein disgyblion fu'n cystadlu yn y Cyflwyniad Theatrig a’r Côr. Diolch o galon i Mrs Catrin Jones Hughes am hyfforddi’r cyflwyniad Theatrig, ac i Mrs Grês Pritchard am hyfforddi'r côr. Hyfryd oedd gweld Gruffudd Siôn yn cystadlu ar yr Alaw Werin a’r unawd Piano. 

Rydym yn gwerthfawrogi’n fawr yr holl amser, ymroddiad ac egni sydd wedi sicrhau bod cymaint o’n disgyblion wedi cael y cyfle i gystadlu. 

Diolch yn fawr i Mr Pritchard am ei gefnogaeth barhaus, ac i’r rhieni am eu cefnogaeth ar hyd y daith eisteddfodol. Mae’r profiadau hyn yn rhai gwerthfawr a chofiadwy iawn i’r plant.

Bu Uned Graig Fawr yn mwynhau diwrnod hyfryd yn Sŵ Caer. Roedd y tywydd yn berffaith a nifer fawr o’r anifeiliaid allan i’w gweld, gan wneud y profiad yn un arbennig iawn i bawb. Cafodd y disgyblion ddiwrnod llawn hwyl, dysgu a phrofiadau newydd. Diolch yn fawr i bawb fu’n trefnu’r ymweliad ac i’r staff am sicrhau diwrnod llwyddiannus a chofiadwy.