Ysgol y Graig

Eisteddfod Theatr a'r Eisteddfod Sir

Cynhaliwyd Eisteddfod Theatr nos Fawrth, Mawrth 17 yn Ysgol Syr Thomas Jones, Amlwch. Llongyfarchiadau gwresog i'r criw oedd yn y 'Cyflwyniad Theatrig'. Cafwyd beirniadaeth hynod ganmoladwy.

Dydd Sadwrn, Mawrth 21, eto yn Ysgol Syr Thomas Jones, Amlwch, fe gynhaliwyd Eisteddfod Sir yr Urdd.

Llongyfarchiadau i'r Côr, Gruffudd yn cystadlu a derbyn yr ail wobr yn y gystadleuaeth Unawd Alaw Werin, a Llywarch yn derbyn y drydedd wobr yn y gystadleuaeth Llefaru Blwyddyn 3 a 4.

Bydd criw y Cyflwyniad Theatrig, y Côr a Gruffudd sy'n cystadlu ar yr Unawd Alaw Werin a'r unawd Piano yn cystadlu yn Eisteddfod Genedlaethol yr Urdd, yn Mona, mis Mai gan gynrychioli Ysgol y Graig.

Dymuniadau gorau i bob un, a diolch i'r unigolion fu'n brysur yn hyfforddi a chefnogi'r disgyblion.

Diolch o galon i chi y rhieni am eich cefnogaeth barhaus – mae eich anogaeth yn golygu cymaint i ni.

A diolch arbennig i holl blant y Graig am fod mor wych; rydych yn glod i’r Graig.

Llyfrgell Llangefni

Cafodd Blwyddyn 2 ymweliad bendigedig â’r Llyfrgell ar y 3ydd o Fawrth. Treuliwyd amser hyfryd yn gwrando ar straeon, canu, a dysgu am sut mae’r Llyfrgell yn gweithio. Cafodd y plant hwyl garw a chymryd rhan mewn helfa drysor gyffrous. Roedd pawb wedi mwynhau’n fawr iawn!

Diolch i Eirian a staff y Llyfrgell am y croeso cynnes.

GARDD WYLLT Y GRAIG

Mae Miss Nicola Jones a Mr Jonathan Jones ynghyd a chriw Eco yr ysgol wedi bod yn hynod brysur yn cynorthywo i gynllunio a datblygu'r ardd. Erbyn hyn mae pwll wedi greu ar gyfer creaduriaid i fyw ynddo. Adeiladwyd sied newydd, a mae choed a phlanhigion wedi eu plannu.

Creu pwll i greaduriaid fyw ynddo.

Coed wedi eu plannu

SBARDUNO

Derbyniodd ddosbarth Eilian weithdy Gwyddonol gan gwmni 'Sbarduno'.

Bu'r disgyblion yn creu lamp Lafa bob un!

Yna, cawsant ddysgu cân gyda Rich o Menter Môn am liwiau'r enfys.

Diolch o galon i Awen o Sbarduno a Rich am fore rhyfeddol liwgar a cherddorol!

Agor y Llyfr.

Hyfryd oedd croesawu ein cyfeillion 'Agor y Llyfr' draw i gynnal gwasanaeth gyda'r ddwy uned; Graig Fach a Graig Fawr. A ninnau ar drothwy'r Pasg, amserol iawn oedd i ni gael y stori gyda disgyblion o ddosbarthiadau Eilian a Pedr yn darllen ac actio.

Diolch yn fawr am ddod atom unwaith eto.

Byd Pêl-droed.

Bu tîm bechgyn Blwyddyn 4 yn chwarae gêm bêl-droed gyfeillgar yn erbyn tîm Blwyddyn 4 Ysgol Gymraeg Morswyn. Diolch i Mr Gwilym a Mr Jones am gefnogi'r tîm.

Bu tîm o fechgyn a genethod yn cystadlu yng nghystadleuaeth 'Primary 5's' ym Mhlas Arthur, ddydd Mercher, Mawrth 25. Diolch i Mr. Gwilym a Mrs McGilvary am gefnogi'r timau.

Ogi, Ogi, Ogi - Byd Rygbi

Bu criw o enethod Blwyddyn 5 a 6 yn cystadlu yn nghystadleuaeth Rygbi Tag yr Urdd. Llongyfarchiadau i'r tîm am ddod yn ail mewn cystadleuaeth arbennig.

Diolch i Mr Jones am eu hyfforddi ac i Mrs McGilvary am ddreifio'r bws mini.

Criced

Mae dosbarthiadau Blwyddyn 5 a 6 yn derbyn gwersi Criced ar hyn o bryd, ac yn mwynhau dysgu sut i chwarae'r gêm.

Diolch i Mr Dyfrig Jones, Swyddog Cyfranogiad Criced, Criced Cymru am hyfforddi'r disgyblion.

Ar derfyn yr hyfforddiant, bydd y disgyblion yn cael gêm griced.

PRIODAS Y GRAIG

Fel diweddglo i'r thema 'Dathliadau' bu dosbarthiadau Blwyddyn 2 (Pedr a Cwyfan) yn brysur yn paratoi tuag at briodas ffug Meredydd ac Erin. Roedd pawb yn ddigon o sioe a wedi edrych ymlaen yn arw at y diwrnod mawr!

Cynhaliwyd y briodas yn Eglwys Cyngar Sant, a'r brecwast priodas yn neuadd Graig Fach. Diolch i'r plant am gynorthwyo i baratoi'r wledd.

Diolch o galon i'r Parchedig Selwyn Griffith am ei amser, ac i DJ Endaf o Ganolfan Addysg y Bont am ddod fel DJ i bawb cael disgo i ddathlu.

Diolch yn fawr i holl staff Blwyddyn 2 am drefnu'r digwyddiad.