Bu criw o ddisgyblion Blwyddyn 5 a 6 yn cystadlu yng nghystadleuaeth pêl-droed a drefnwyd gan yr Urdd ym Mhlas Arthur, Llangefni. Llongyfarchiadau mawr i’r tîm am eu perfformiad a’u hymddygiad gwych drwy gydol y dydd. Bu'r tîm yn anlwcus iawn o fethu allan ar gyrraedd y rownd derfynol. Llongyfarchiadau i Ysgol Corn Hir, enillwyr y gystadleuaeth. Diolch i Mr Jones a Mr Frazer am hyfforddi ac i Mrs Redvers Jones am ddreifio'r bws mini.

Croesawyd PC Tamzin i'r ysgol yn ddiweddar i gynnal gweithdai diddorol ac addysgol gyda disgyblion Blynyddoedd 3 a 4. Cafodd y plant gyfle gwerthfawr i ddysgu am bwysigrwydd cadw'n ddiogel, gwneud dewisiadau doeth, a deall rôl yr heddlu yn y gymuned. Bu'r disgyblion yn gwrando'n astud ac yn cymryd rhan yn frwdfrydig yn y gweithgareddau a'r trafodaethau. Diolchwn iddi am ei hamser a'i chefnogaeth barhaus i'n hysgol.

Hoffem ddiolch yn fawr i'r holl rieni a oedd yn gallu mynychu'r Noson Rieni yn ddiweddar. Roedd yn gyfle gwerthfawr i gyfarfod athro / athrawes eich plentyn a chael gwybod os yw eich plentyn wedi setlo yn y dosbarth newydd. Rydym yn gwerthfawrogi eich cefnogaeth barhaus ac yn ddiolchgar am y cydweithio cadarn sy'n helpu ein disgyblion i ffynnu.

Er mwyn helpu i leihau lledaeniad heintiau a diogelu iechyd a lles ein cymuned ysgol, gofynnwn yn garedig i rieni a gofalwyr beidio ag anfon eu plentyn i'r ysgol os ydynt yn chwydu neu'n dioddef o ddolur rhydd.

Yn unol â chanllawiau Iechyd Cyhoeddus Cymru, dylai plant aros gartref am o leiaf 48 awr ar ôl y tro diwethaf iddynt chwydu neu gael dolur rhydd cyn dychwelyd i'r ysgol.

Diolch yn fawr am eich cydweithrediad a'ch cefnogaeth barhaus wrth ein helpu i gadw'r ysgol yn amgylchedd diogel, iach a chroesawgar i bawb.

Dyma batrwm iaith i'w ymarfer:

Rydw i’n hoffi…? Dwi’n hoffi ....

Dydw i ddim yn hoffi .... 

Her 

Mae’n well gen i… na ....

Testun trafod:

Fy hoff le yn y byd yw… 

Cân Gymraeg: Papur Wal - Llyn Llawenydd 

Idiom / Dihareb Gymraeg:  Mynd dros ben llestri