Kabiagunea

Kabiagunea topagune bat izan nahi du, birtuala, bere izaeragatik baina historikoa, dinamikoa eta erreala bere funtzioagatik. Historikoa, 2015-16an formalki abiatu genuen Kabia Proiektu integralaren baitan ekoiztutako proiektu eta materialen biltegi partekatu bat izan nahi duelako; dinamikoa, biltegi hori eguneratuta mantenu nahi dugulako eta prozesuaren bilakaerarekin aldatzen joango delako; eta azkenik, erreala, eraikin batean zein bestean lana egiten dugunon artean komunikazio zubi eraginkorra izateko jaio delako.

Kabia proiektuaren xede orokorra ikasle eta hiritar autonomoak, beren ikaste prozesuaren jabe, autoebaluatzeko gai, hobekuntzara orientatuak, taldean lanerako trebatuak, balio estetikoekiko sentsibleak, ekintzaileak eta ikastetxeko Hezkuntza Proiektuan jasota ditugun beste balio eta asmoak (hezkidetza, eleaniztasuna, inklusibitatea…) bereak egingo dituzten ikasleak eta hiritarrak hezitzea da.

Gaitasun horiek garatzeko ikasleari protagonismoa ematen dioten metodologietan oinarritu beharko dugu gure lana. Hauek dira proiektuan definitu ditugun ildo nagusiak: metodologia aktiboak, lan kooperatiboa, pentsamenduaren kultura, ebaluazioa, IKT-ak eta ikasketa inguruneak.