Nú á vordögum fóru nemendur 7. bekkjar í vettvangsferð í stöðvarhús Rjúkandavirkjunar hér í Ólafsvík. Sigurður, starfsmaður Smiðjunnar Fönix, og Aron, starfsmaður Rarik, tók á móti nemendum. Þeir fræddu þá um það sem bar fyrir augu innan og utan húss. Nemendur fengu að skoða safn gamalla muna á efri hæð hússins, þeim var sýnt frá stíflumannvirkjunum sem eru ofan við Lambafell í gegnum tölvu. Þeim var einnig sýnt hvar vatnið kemur inn í húsið og hvernig það er nýtt til að framleiða rafmagn. Nemendur fengu einnig að skoða varaaflið sem er innan húss og í færanlegri rafstöð utan húss og voru nokkrar vélar gangsettar fyrir þau.  Veðrið lék við okkur eins og svo oft áður og nemendur voru leystir út með léttum veitingum í lok ferðar. Við þökkum kærlega fyrir góðar móttökur.