Þann 19. nóvember árið 1967 var Ólafsvíkurkirkja vígð. Hákon Hertervig var arkitekt og Böðvar Bjarnason byggingarmeistari. Bæði þak og veggir kirkjunnar eru steinsteyptir. Grunnflötur kirkjunnar er gerður úr þríhyrningum, það eru tveir litlir í sitthvorum enda og einn stór í miðjunni. Turn kirkjunnar rís 30 metra upp til himins. Steindir gluggar voru settir upp árið 1976 og eru eftir Gerði Helgadóttur. Klukknaport var byggt síðar og  árið 1990 voru klukkurnar færðar þangað. Í Ólafsvíkurkirkju eru gripir úr Fróðárkirkju t.d. predikunarstóll, skírnarskál úr silfri og altaristafla.

Aðrar kirkjur í Snæfellsbæ