Í lok dags 3. nóvember

Fyrsti dagurinn með breyttum áherslum í sóttvörnum var í dag og gekk heilt yfir mjög vel. Allir voru jákvæðir og tóku vel í verkefni dagsins. Starfsfólk gekk fumlaust til verka og nemendur mættu undirbúnir og greinalega vel upplýstir um okkar viðbrögð í sóttvörnum. Margir mættu með sínar eigin grímur en rétt er að ítreka að skólinn útvegar starfsfólki og nemendum grímur sé þess óskað. Á þessari síðu eru góðar leiðbeiningar um grímunotkun https://www.covid.is/grimur-gera-gagn og

Nokkrir punktar sem við viljum vekja athygli á:

• Íþrótta- og sundkennsla nemenda í 1.-4. bekk færist alfarið út á Hellissand frá og með morgundeginum (4.11.). Íþróttakennslan hefst kl. 08:40 - 09:20 og sundkennslan verður kl. kl. 13:00 - 13:40 þannig að allir nemendur hætta á sama tíma á Hs. Nemendur mæti klæddir eftir veðri.

• Fólk meðhöndli fjölnotagrímurnar sínar á réttan hátt og passi upp á að þær virki.

• Stjórnendur funda daglega í lok hvers dags þar sem farið er yfir stöðuna, hvað gekk vel þann daginn og hvað má bæta. Ef það er eitthvað sem við getum gert betur þá er gott að fá ábendingar þar um á netfangið hilmara@gsnb.is

Verum dugleg að minna hvert annað á að viðhalda 2 metra reglunni, annars að nota grímur, handþvott eða sprittun, góða loftun og almennt hreinlæti. Starfsfólk, nemendur og foreldrar eiga hrós skilið.