Olloibarra

(2022-11-16, asteazkena)

Gaurkoan, Ollo bailarara joan gara ibilbide zirkular bat egitera. Autobusak Anotz herrian utzi gaitu. Eguraldia poliki portatu da, lainoz eta ostartez osaturik. Goizeko zortziak aldera martxan ginen 54 pertsona, tartean 12 emakumezko.

Anotz herrian hasi eta bailarako zenbait herritatik igaro gara: Iltzarbe, Ollo, Arteta (hemen Artetako gatzaga pasa dugu); gero, Udarbe erreka gurutzatu eta Artazulgo Zintzurrera iritsi gara (bertan Udarbe errekaren jaiotza ikusiz). Jarraian, Ultzurrun eta Saldise herriak zeharkatu eta Garañoko gaztelura igo gara, bertatik berriz Anotzera jaitsiz.

Ibilbidea eta denborak:

Anotz, hasiera (415 m); Iltzarbe (520 m; 2,75 km; 0:53), Ollo (491 m; 4,6 km; 1:17), Arteta (485 m; 6 km; 1:37), Artetako gatzaga (460 m; 7,5 km; 1:55) Udarbe erreka (476 m; 8,15 km; 2:12), Artazulgo zintzurra (555 m; 9,3 km; 2:33), Ultzurrun herria (513 m; 12,8 km; 3:45), Saldise herria (520 m; 15,5 km; 4:23), Garañoko gaztelua (588 m; 18,4 km; 5:08) Anotz, bukaera (415 m; 20,5 km; 5:51).

Desnibel metatua: igoeratan: 646 m; jaitsieratan: 635 m.

Mapa

Profila