Artika-Sarasibar

ARTIKA-SARASIBAR

Hasieran eguraldi eguzkitsu eta ederrarekin, baina azkenean bero handiarekin, 55 ibiltarik (13 emakume eta 42 gizon) 1938ko Ezkabako Ihesaldiari dagokion IL/GR 225 ibilbideari ekin eta lehen etapa egin zuten, Artika eta Sarasibar herrien artekoa, 2019ko ekainaren 18an, asteartea. Bidean zehar Ezkabako gailurretik, Ezkabako gotorleku-presondegiaren ingurutik eta Garrues, Orrio, Olaitz eta Olabe herrietatik igaro ondoren, Esteribar bailarako Sarasibar herrian amaitu zuten ibilaldia.

Ibilbidea eta denborak:

Artikako herria (Berriobeitiko udala) (430 m), Ezkabako gotorlekua (875 m; 2,2 km; 0:50 h), Garruesko herria (630 m; 5,6 km; 1:40 h), Orrioko herria (535 m; 7,3 km; 2:00 h), Olabera 6,4 km seinale-zutoina (675 m; 9,6 km; 2:30 h), bidegurutzea (645 m; 10,7 km; 2:45 h), Olaizko herria (535 m; 15,2 km; 4:05 h), Olabeko herria (510 m; 16,3 km; 4:20 h), burdinazko langa (805 m; 18,3 km; 5:15 h), Bagadizarreko bidea (825 m),19,5 km; 5:40 h) eta Sarasibarko herria (Esteribarko udala) (565 m; 22,6 km; 6:25 h).

Desnibel metatua: igoeratan: 1.100 m; jaitsieratan: 1.030 m.