Lizarako aterpea-Somporteko mendatea

LIZARAKO ATERPEA – SOMPORTEKO MENDATEA

Ibil-giro onarekin, 2017ko uztailaren 12an, asteazkena, 42 ibiltarik, Camilleren Bideko bigarren etapa egin zuten: Huescako Mendebaldeko Bailaran kokatuta dagoen Lizarako aterpean hasi eta, Mestresako zelaian eta Sarrioen haranean barrena, Somporteko mendatean bukatu zuten ibilbidea.

Ibilbidea eta denborak:

Lizarako aparkalekua (1.515 m), Lizarako aterpea (1.540 m), Basozainen txabola (1.975 m; 4 km; 1:25), Paul de Bernera ibona, Mestresako zelaian barrena, Sarrioen haranean (2.055 m; 5,3 km; 1:50), Bernerako mendatea (2.115 m; 5,8 km; 2:10), bidegurutzea (1.890 m; 8 km; 2:45), Estanesko mendatea (1.790 m; 8,6 km; 2:55), Estanesko ibonaren inguruan (1.775 m; 9,2 km; 3:05), IL/GR 11rekin elkartu, Sansaneteko basoa (1.615 m; 10,9 km; 3:50), Chorrota de Aspeko ur-jauzia (1.625 m; 13 km; 4:15), Causiateko lepoa (1.625 m; 15,5 km; 5:05), Candanchu behean utzi, Bassatako mendatean barrena; Somporteko mendatea (1,640 m; 18,3 km; 5:50).

Desnibel metatua: igoeratan 1.075 m; jaitsieratan 950 m.