Uztarriko Ama Birjinaren ermita - Arrada

Uztarriko Andre Mªren ermita - Arrada

(2023-02-14, asteartea)

Gaur, otsailak 14, asteartea, Ordiziatik autobusez irten gara goizeko 6:30etan GMBko 52 lagun (14 emakume eta 38 gizon). Uztarriko Ama Birjinaren baselizara iritsi eta goizeko 8:45ak aldera abiatu gara. Ibiltzen hasi eta Bardea Zurian sartu gara, ibilbide gehiena pistetan zehar eginez. Lehenik, Peñaflor gazteluaren hondakinen ondotik igaro eta gero Punta de la Estroza mendira joan gara. Hortik, eta zereal-soro zabalak zeharkatu ondoren, Arrada herrira iritsi gara ordu biak eta hogei aldera.

Ibilbidea eta denborak:

Uztarriko Ama Birjinaren ermita (470 m), Del Chopo borda (328 m; 6,7 km; 1:20), Peñaflorreko gaztelua (342 m; 9,3 km; 1:55), Del Vedado bidea (405 m; 10 km; 2:15), Punta de la Estroza mendia (450 m; 13,2 km; 3:15), Estrozako bidea (459 m; 13,8 km; 3:25), Cornialtoko abelbidea (430 m; 16,1 km; 3:50), Tuterako Errege bidea eta Ribazoblancoko bidea (417 m; 19 km; 4:25), Cabaña de Jimenez (414 m; 20,9 km; 4:45) eta Arrada (343 m; 25 km; 5:40).

Desnibel metatua: igoeratan: 278 m; jaitsieratan: 309 m.