BIDARRAI-ITSASU
(2025-11-04an, asteartea)
Atzean utziko ditugu Errobi (en-pays-basque) ibaia eta XV. mendeko bere Nobliako zubia (Infernuko zubia)(wikipedia). Kondairak dio deabruak (paysbasque) bere buruaz beste egin zuela zubi honetan euskara (kanaldude-eus) ez ulertzeagatik. Harritzekoa, oraingo honetan ere geurea izan behar.
Bidarrai (en-pays-basque) herriko plazan dagoen elizara igo (XII. mendeko Notre Dame Paroissiale (euskal-herria.org) edo Jasokundeko Andre Mariaren eliza interesgarria), landa-bideetatik jarraitu eta Infernuko zubiko bordara desbideratu gara; hemen, Nobliako zubitik (wikipedia) gertu bere urak Errobi ibaira isurtzen dituen Baztan (youtube) erreka topatuko dugu.
Aurreraxeago, ibai hori zeharkatuko dugu ezkerraldera, Mehatseko lepora eramango gaituen igoerari ekiteko. Bide sigi-sagatsuan, Bernatenea eta Harruixea bordetatik gertu igaroko gara, Harpeko Sainduaren (argia.eus) koba miragarrira iritsiz.
Hareharri arrosa berezia duen Zelhaiburu (mendiak) mendiaren azpian gaude. Jarraian, igoera gogor bat eta eskuz heltzeko moduko kablea (google) duen tarteren bat aurkituko ditugu. Sasoi honetan ez da erabili beharrik izaten, baina elurtea edo izotza izanez gero, segurtasuna ematen du.
Zelhaiburuko lepora (wklcdn.com) heltzean, malda leunagoak dituen aldapan gora jarraituko dugu, Mehatseko lepoko harrespila megalitikoraino (luberri); haraino iristen da Artzamendiko (mendiak.eus) antenei zerbitzua ematen dien errepidea.
Gero, Mehatseko lepotik Iguzkiko lepora jaitsiko gara. Gorospilgo mendatean, berriz, mendilerroan (mendiak.eus) hegoaldetik iparraldera doan bidea hartuko dugu, zuhaitzik gabeko gailurreriatik Mondarrain (mendiak.eus) mendira heldu arte.
Orain Atharriko (en-pays-basque) lepotik beheko ibarrera jaistea faltako zaigu. Itsasura (eitb.eus) iritsiko gara, Errobi ibaiaren ertzean dagoen herria hau ere.
Gehiago/Más
Gehiago/Más
HARPEKO SAINDUA
Haitzen magalean gordeta, urteetan zehar bisitari asko jaso duen kobazulo berezi bat dago. Bertan dagoen estalagmita bati Harpeko Saindua (mintzoak.eus) deitzen diote, "izerditzen duen santua", alegia. Azaleko gaitzak sendatzeko ahalmena omen du santu honen urak.
Kondairak dioenez, behin Bidarraiko neska gazte bat galdu omen zen inguru hauetan, eta herrikoek, kezkaturik, haren bila hasi eta ez omen zuten arrastorik ere aurkitu. Hala ere, inguruetan "hago, hago!" esaten zuen ahots bat entzuten omen zen. Gau batean argi indartsu batek zerua sutan jarri zuen eta leize-zulo batean sartu zen. Hurrengo egunean, biharamunean, bertakoek leize hura arakatu zutenean galdutako neska aurkitu zuten bertan, harri bihurtuta ordea: horixe da Harpeko Saindua (wikipedia).
Harruixea (eusko-ikaskuntza) baserriko etxekoandreak ere hori adierazi omen zion 1938an Joxe Miguel Barandiarani.
Page updated
Report abuse