BALTZOLA (DIMA) - ERMITABARRI-IBARRA
Donostia eta Bilbo arteko 7. etapa honetan, Dimako Indusi (wikipedia) auzoaren inguruan autobusa utzi eta PR-BI 41 (gorbeiaeuskadi) ibilbidetik Jentilzubi (gorbeiaeuskadi) aldera igoko gara. Handik gertu dago Axlor (gorbeiaeuskadi) kobazuloa, non aita Barandiaranek 1932 inguruan egin zituen lehen indusketa arkeologikoak; segidan, Baltzolako kobazuloa (turismovasco) ikusi, Abaroako tuneletik (youtube) eta Baltzola (wikipedia) auzotik igaro eta San Lorentzo (youtube) ermitara iritsiko gara.
Dimako San Lorentzo (turismovasco) baseliza dotoretik aurrera, Bargondiko Atxa (eitb.eus) mendia inguratuko dugu, Bargondia auzora jaitsiz. Hortik, errepidez, Dimako (wikipedia) herriburura, Ugaranera (google), iritsiko gara.
Hemendik aurrera, 5 kilometro inguru izango ditugu, Indusi (wikipedia) ibaiarekiko eta BI-3543 errepidearekiko paraleloan doan bidegorritik, Olabarriko (Igorre) (wikipedia) industrialdetik igaro, Arantzazu (wikipedia) udalerriko Zelaia auzora joan eta Arratia ibaia zeharkatzeko.
Han, landa-bideetan zehar, gorantz hasiko gara Zeberioko Argiñao (google) auzora iristeko. Berehala, San Adrian ermitaren (ermitasdevizcaya) ondotik igaro, pinudietan sartu eta gailurrean postontzia duen Argiñaoko atxa (mendiak.eus) mendira (524 m) iritsiko gara.
Izei eta urkien artean, Igartutik (mendikat) igaro eta, aldapa gogor bati aurre eginez, Mandoia (mendiak.eus) mendira (638 m) iritsiko gara, Ehun mendien lehiaketako katalogoan dagoen gailurrera.
Jadanik Zeberioko (wikipedia) lurretan, Belatza menditik (mendikat) jaisten hasiko gara, haritz amerikar eta urkien artean; segidan Irumugarrieta (wklcdn.com) bidegurutzera (Bedia, Galdakao eta Zeberio) iritsiko gara. Laster izango gara Amezola (wklcdn.com) auzoan eta Andra Mari (wklcdn.com) ermitan, ibilaldia Ermitabarri-Ibarran (luberri) amaituz.
Bukatu da gailurrez eta ermitaz zipriztindutako gure gaurko ibilbide ederra.
Gehiago/Más
Gehiago/Más
DIMA - ZEBERIO
Zergatik dago inguruan hainbeste San Adrian ermita? Nor zen santu hau?
Nikomediako (wikipedia) Adriano (San Adrian) martiri kristau bat izan zen, 306an hil zutena. III. mendearen amaieran jaio zen Konstantinoplan (Grezia). Probo (wikipedia) zesarraren semea zen. Adriano erromatarra zen eta kristauak jazarri zituen. Baina fededun haien adore eta etsipenaren miresle, bere erlijiora bihurtu zen, eta Nikomediako Santa Nataliarekin ezkondu, hura ere kristaua.
Enperadoreak bere jazarpena agindu, preso hartu eta bere fedeari uko egiteko torturatu egin zuten. Oinaze izugarriak jasan zituen, eta azkenean burua moztu zioten. Haren emazteak, hura ere santua, Konstantinoplan (wikipedia) zaindu zuen gorpua, berau hil zen arte. San Adrian kristau soldaduen patroitzat hartzen da eta gerra eta gatazka garaietan babesa eta ausardia eskatzen zaio.
Ibilbidearen zailtasunaren balorazioa
Page updated
Report abuse