Ionad Tacaíochta Oideachais na Gaillimhe

Ionad Tacaíochta Oideachais na Gaillimhe - Scríobh Leabhar

Scoileanna Rannpháirteacha 2026

Gaelscoil de hIde

Gaelscoil Mhic Amhliagh

Scoil Éinne

Scoil Iarfhlatha Naofa, Gearrbhaille

Scoil Mhic Dara

Scoil Bhriocáin

Scoil Bhríde, Mionlach

Scoil Sailearna

SN Cearn Mór

Scoil Fhursa

Is tionscadal é Scríobh Leabhar atá urraithe ag Foras na Gaeilge.

Eagraítear an tionscadal i gcomhar le hIonad Tacaíochta Oideachais na Gaillimhe.

Tugann Scríobh Leabhar an deis do dhaltaí bunscoile a leabhair féin a scríobh, a dhearadh agus a fhoilsiú i nGaeilge.

Cuireann an tionscadal léamh agus scríobh na Gaeilge chun cinn i measc páistí óga.

Tugann sé tacaíocht d’fheidhmiú Churaclam Teanga na Bunscoile – ag baint torthaí foghlama amach sa labharthacht agus sa léamh mar go bhfuil an scríbhneoireacht mar chuid den phróiseas foghlama teanga.

Tugann an tionscadal cuimsitheach seo deis do gach páiste páirt a ghlacadh go gníomhach agus go comhoibríoch i réimse seánraí a anailísiú, ciall a bhaint astu agus iad a chur i dtoll a chéile.

Scríobhann, dearann agus maisíonn na páistí a leabhair féin faoi stiúir a múinteoirí.

Dírítear go príomha ar an bpróiseas scríbhneoireachta é féin sa tionscadal.

Tá an tionscadal thar a bheith solúbtha, is féidir le gach páiste sa rang a leabhar féin a scríobh, nó obair a dhéanamh le chéile i ngrúpaí, nó is féidir leis an rang ar fad leabhar a scríobh.

Is féidir leis na páistí leas a bhaint as teicneolaíochtaí digiteacha freisin chun tacú le scríobh na leabhar.

Déanann Ionad Tacaíochta Oideachais na Gaillimhe éascaíocht ar roinnt na leabhar le scoileanna eile.

Feiceann páistí samplaí de leabhair ó scoileanna eile agus is féidir leo dea-chleachtas agus smaointe a roinnt maidir le scríbhneoireacht chruthaitheach.

Bronntar teastas gaisce ar gach páiste agus bronntar gradam ar pháiste amháin ó gach rang dá leabhair.

Tugtar cuireadh do na páistí seo chuig searmanas bronnta chun ceiliúradh a dhéanamh ar an ngaisce i scríbhneoireacht as Gaeilge.

Ócáid Bhronnta Scríobh Leabhar 2026

Scríobh Leabhar 2026

Féach thíos na naisc chuig Book Creator Libraries le scoileanna ar leith.

Tabhair do d'aire: Níl aon bhainistíocht nó maoirseacht ag Ionad Tacaíochta Oideachais na Gaillimhe ar ábhar na leathanach seo.

Ina theannta sin, mhalartaigh scoileanna réimse leathan iontrálacha cóipeanna crua eatarthu féin ní ba luaithe i mbliana, agus réimse stíleanna, cruthanna agus dearaí á gcuimsiú iontu, chomh maith le réimse gnéithe den churaclam amharc-ealaíon.