Përshkrimi i lëndës

Kursi ka për qëllim të njoh studentët me konceptet fillestare teorike dhe praktike në një gjuhë të nivelit të lartë, duke mundësuar kështu shkrimin e programave të strukturuara. Kursi mëson programimin në gjuhën C, ku do të paraqiten gjatë mësim-dhënies konceptet e programimit si variablat, ciklet, strukturat e të dhënave, etj. Kursi fokusohet në ndërtimin e një programi të saktë në gjuhën e programimit C, duke mësuar kështu dhe teknikat e ndryshme të programimit të strukturuar.

Objektivat e kursit janë që të mësojë studentin:

• Me procesin e automatizimit

• Me mjedisin e një gjuhe programimi

• Të analizojë një problem të thjeshtë

• Të përdorë tipet e ndryshëm të strukturave të të dhënave

• Të mësojë të zgjedhjë tipin e duhur të të dhënave dhe strukturës së të dhënave

Në përfundim të kursit, studenti do të ketë njohu mbi:

• Konceptet bazë të programimit, si variablat, strukturat përzgjedhëse dhe ciklet, funksionet, etj.

• Strukturat bazë të të dhënave si tabelat 1-përmasore dhe 2-Përmasore, stringjet, strukturat .

• Skedarët, Listat e lidhura, Pemët, etj.

• Shkrimin e programeve të strukturuar nëpërmjet algortmeve sa më efektivë.