ACTIVIDADES

O mércores 7 de outubro, alumnado de 1º e 2º da ESO recibiu unha charla da Cadena SER na que os xornalistas,  Alfonso e Luz, nos achegaron á realidade das fake news e dos bulos a través de Internet e das redes sociais.

Aprendemos que todas e todos temos responsabilidade nesa cadea: quen publica, quen comparte, quen difunde… Porque moitas veces a desinformación  ten consecuencias e pode afectar de maneira seria á saúde, á convivencia e á dignidade das persoas.

Grazas, Alfonso e Luz e todo o equipo e Radio Pontevedra- Cadena SER por axudarnos a mirar esta realidade con máis espírito crítico. 

O xoves 17 de setembro,  alumnado de 4º da ESO e 2º de Bacharelato visitou Radio Pontevedra para coñecer de preto como funciona unha radio profesional e vivir en directo programas como Hoy por Hoy e La Opinión. 

Foi unha experiencia estupenda que nos serve para seguir aprendendo e preparando a nosa participación na 3ª edición dos Premios José Hermida.

E agora… tócanos practicar…  

Agardámosvos no noso estudio de radio escolar FMSRadio, na biblioteca, os luns e xoves durante os recreos!!!