Pacific Island Families

A greeting to everyone!

Greetings to you from Mariano Marcus - Parent Liaison at Evergreen School District. My phone numbers are (360) 604-4026, 360-947-9023 and my email is mariano.marcus@evergreenps.org if you need to contact me. My office is at the ASC/District Office 13413 LeRoy Haagen Memorial Drive, Vancouver, WA 98668.

Ngang seni Mechitiw won fonuwach Weno. Ua kan angang ngeni chon Chuuk me non ach ei Putain Education non Evergreen. Ika mei wor om kapas ais ka tongeni kekkeri kich won tengwa ika mak ngeni ai email mi nom asan. Ngang seni ewe ainang Anangeitaw afokuren Masane. Fanimei me Pween mi pwan fakkun auchea merei pokiten an inen inei me semei afokur. Amo sipwe kan angang fengen pwe epwe ponuweta wisach fan iten nouch kei meinisin.

News & Upcoming Events

Esinesin ngeni Faminien Chuuk non Evergreen School District

Mi wor fitu esinesin sia mochen atoura ngeni famini mi wor noumi mi fiti sukun non Evergreen School District:

1) Nesoponan ei maram Eprein 30, 2024 epwe wor ew mwich ngeni sam me iin mi wor noumi repwene sochungio seni high school non ei ier 2024. Ika pwe en mi mochen an noumwe epwe soposopona an sukun non sukun tekia ika college, ei mwich non Eprein 30 kunok 5 -7 epwe fis non ei offesin sukun non Evergreen (13413 NE LeRoy Haagen Memorial Drive, Vancouver, WA 98668). Ei mwich fan iten ewe FAFSA(Free Application Federal Student Aid) ika amasowen aninis ren moni fan iten niwinin chon sukun non sukun tekia ika college. Ika pwe kopwe tawengeni kese mochen achocho ngeni ei fansoun ren om kopwe sinei porausan me amasowen ei aninis ngeni chon repwe tonong non college.

2) Non Meii 24, 2024 kunok 5:30 nekunion ngeni 7:30 nefaaf, epwe wor ew chufengen ren apwapwa an chon sukun non Evergreen me ar famini fan iten ei maram Meii a afatetiw pwe maramen chon fonuwen non Pacific pachenong ekkewe winipwosun Hawaii. Epwe wor pworuk me keen seni nouch kewe chon sukun non unusen Evergreen District. Ei chufengen epwe fis non achewe Cascade Middle School. Mi wor efou rais sipwe pwan aea fengen non ei fansoun. Amo kopwe fakkun wareiti ach ei chufengen non pwapwa me kinamwe. Sipwe fakkun tungor esapw wor sakaw me ekkoch mettochun aruka an epwe aosukosuka ei chufengen.

3) Meii 31, 2024 kunok 5:30 nekunion ngeni 7:30 nefaaf, epwe wor pwan ew chufengen an faminien Chuuk non Evergreen soposopun ewe ewin mwich a fis fan ewe Maas 8, 2024. Ei mwich epwe pwan fis non ach ei offesin sukun non Evergreen(13413 NE LeRoy Haagen Memorial Drive, Vancouver, WA 98668).

4) Ika pwe en mi kan kuna ach kei esinesin me non noum email, kese mochen atoura ngeni pwan io aramasach mi nonom unukum ar repwe pwan sinei. Ika pwe ese wor om email ren om kopwe katon ekkei esinesin, iwe en mi tongeni tota online won noum phone ka wanong evergreenps.org iwe ka kutetiw fan tori om kuna ena English Language Learners. Ka tiki iwe ina kopwe kuna ena Pacific Island Families asan won peniemwanum. Ka pwan tiki ena Pacific Island Families iwe ina kopwene tonong non ach na page. Fatiwen sasingi na ina kopwe kuna ena News & Upcoming Events. Ka tongeni pwan tiki iwe ka sinei met poraus me esinesin mi kawor fan iten sam me iin me nouch mi fiti ach Evergreen School Distric. Kinisou ren om aponuweta ach esinesin.