Background

ནོར་བུ་སྒང་སློབ་གྲྭ་ཆུང་བའི་ ལས་རྟགས་ཀྱི་བཤད་པ།

ལས་རྟགས་འདིའི་བརྡ་མཚོན་ཅིག་ཞུ་བ་ཅིན་ གཞི་ཡོངས་སུ་དག་པའི་ དབང་ཆེན་གསེར་གྱི་ས་ཞིང་དང་ དགོས་དོན་དབྱེ་བ་མེད་པའི་ སློབ་གྲྭ་འདི་ནང་ལས་ ཕྱི་ནང་གཉིས་ཀྱི་ཤེས་བྱའི་ཡོན་ཏན་  རྒྱ་ཆེ་བ་དང་རྟིང་ཟབ་པ་ རྒྱ་མཚོ་ལྟ་བུ་ཡོད་མི་ལུ་ མཁས་པ་སྦྱང་སྟེ་ སློབ་ཕྲུག་ཚུའི་མི་ཚེ་ མེ་ཏོག་པད་མའི་འདབ་ཆ་བཟུམ་འབད་ རྒྱས་པའི་བརྡ་མཚོན་ཨིན། འདིའི་སྟེང་ལུ་ ནང་པའི་ཆོས་ཀྱི་གླེགས་བམ་ཡོད་མི་འདི་གིས སློབ་ཕྲུགཚུ་ ཕྱི་ནང་གི་ཤེས་ཡོན་ཀུན་ལུ་ མཁས་པ་ཕུལ་དུ་ཕྱིན་པ་གིས་མ་ཚད་ དམིགས་བསལ་དུ་ ཁོང་གི་རྒྱུད་ལུ་ ནང་པའི་ལྟ་བ་དང་ལྡན་པའི་ བརྡ་སྟོནམ་ཨིན། སློབ་ཕྲུག་འདི་ཚུ་གིས་ སྤྱིར་དཀོན་མཆོག་གསུམ་སྤྱི་བོར་བསྐུར་ ལྷག་པར་ དཔལ་ལྡན་འབྲུག་པའི་རྩ་བ་གསུམ་ལུ་ དམ་ཚིག་ལྷད་མེད་ཀྱི་འགོ་ལས་ ཕྱག་ཕྱིད་གང་དྲག་ཞུ་བའི་ འབྲས་བུ་དང་བསོད་ནམས་མེ་བཞིན་འབར་ཏེ་ གཏམ་སྙན་གྲགས་ ཕྱི་ནང་གཡས་གཡོན་མེད་པར་ འབྲུག་སྐད་བཞིན་ འཇིག་རྟེན་ཀུན་ལུ་ཁྱབ་པའི་བརྟེན་འབྲེལ་ལུ་ ནོར་བུ་མེ་འབར་ཅན་གསུམ་ གཡས་དང་གཡོན་ལས་ ཁ་གནམ་ཁ་སྒོར་བའི་ འབྲུག་གཉིས་ཀྱི་བསྐོར་ཏེ་ཡོདཔ་ཨིན། དོ་རུང་ ལས་རྟགས་འདིའི་ཏོག་གི་ཚུལ་ལུ་ རལ་གྲི་མེ་འབར་ཅན་ཅིག་ཡོད་མི་འདི་གིས་ དོན་མཐར་ཐུག་ལུ་ སློབ་གྲྭ་འདི་གིས་ མ་རིག་མུན་པ་བསལ། ཉོན་མོངས་དུག་ལྔ་བཅོམ་སྟེ་ ཤེས་བྱའི་ཆོས་རྣམས་ཀྱི་དོན་རྟོགས་ནུས་པའི་ བློ་དང་རིག་པ་སྤེལ་བའི་བརྡ་མཚོནམ་ཨིན། མཇུག་ར་ རིས་མོ་སྒོར་སྒོརམོ་གི་ནང་ལུ་ སློབ་གྲྭའི་མིང་དང་ གཞི་བཙུགས་ཀྱི་ལོ་ འཁོད་དེ་ཡོད་མི་འདི་གིས་ ནོར་བུ་སྒང་སློབ་གྲྭ་ཆུང་བའི་ཁ་ཐུག་ལས་ མི་དབང་མངའ་ཞབས་མཆོག་གི་ ཐུགས་ཀྱི་དགོངས་པ་བསྒྲུབ་ནི་དང་ དཔལ་ལྡན་འབྲུག་པའི་རྩ་བ་གསུམ་ལུ་ དུས་རྒྱུན་དུ་ ལྷག་བསམ་རྣམ་དག་གི་འགོ་ལས་ ཕྱག་ཕྱིད་ཞུ་ནིའི་༌ཁས་བླངས་ཕུལ་བའི་བརྡ་སྟོནམ་ཨིན།  

Enchanting tale of our school emblem:

Within our emblem, a golden expanse unfolds—a canvas where wisdom and knowledge converge. It is the fertile soil from which all growth springs. An ocean painted upon this canvas—an ocean that cradles the teachings bestowed by our school. And there, amidst the undulating tides, blooms a lotus—a delicate dance of growth and enlightenment. Its petals whisper stories of students, hearts expanding like unfurling leaves. Resting upon the lotus, a prayer book—a vessel for profound Buddhist views. It signifies that our students possess not only worldly wisdom but also the profound perspectives of the Buddha.

Three blazing gems (Norbu) - They symbolize our students’ devotion to the Triple Gem (Buddha, Dharma, and Sangha) and service to Tsa-Wa-Sum (the land, the king, and the people) and as a result, merit and success ignites. Two vigilant dragons flank the gems—their wings spanning fame and honour and their voice, like a resounding echo, carries the fame and honor of our legacy across the vast expanse of the world. A blazing sword on top, pierces the veil of ignorance—it is the ultimate quest. It clears the way for understanding, for minds capable of grasping life’s mysteries. And encircling it all—the promise by Norbugang Primary School to fulfill the king’s wishes the Tsa-Wa-Sum, etched in eternity.

ནོར་བུ་སྒང་སློབ་གྲྭ་ཆུང་བའི་ལོ་རྒྱུས་ཞོའི་སྙིང་པོ་བཞུགས་སོ།

༉ ནོར་བུ་སྒང་སློབ་གྲྭ་ཆུང་བ་འདི་ བསམ་རྩེ་རྫོང་ཁག་ ནོར་བུ་སྒང་རྒེད་འོག་གི་འོག་ལུ་ བསམ་རྩེ་དང་སིབ་སུའི་གཞུང་ལམ་ཁར་ཡོད་པའི་ མཆོད་རྟེན་གཅིག་གི་ཟུར་ཕྲང་སྟེ་ སྤོ་ཏོ་ཅིག་གུར་ ཤིང་དང་མེ་ཏོག་སྣ་ཚོགས་ཀྱིས་ དུས་རྒྱུན་མཆོད་པའི་ཚུལ་དང་བཅས་  ག་ནི་བ་མཛེས་ཏོག་ཏོ་འབད་ཆགས་ཏེ་ཡོདཔ་ཨིན། སློབ་གྲྭ་འདི་འགོ་ཐོག་ར་ སྤྱི་ལོ་ ༡༩༦༡ ལུ་ ལྕེང་བཱ་རི་གཞི་རིམ་སློབ་གྲྭ་ཟེར་གཞི་ཆགས་ནུག། སློབ་གྲྭ་འདི་གཞི་བཙུགས་མཛད་མི་ལས་བརྟེན་ ས་གནས་འདི་ནང་གི་མི་སེར་ཚུ་ལུ་ ཕན་ཐོག་སྦོམ་རང་འབྱུང་ཡོདཔ་ཨིན་རུང་ སློབ་སྦྱོང་པ་ཚུ་ བསོད་ནམས་ཆུང་བའི་དབང་གིས་ སྤྱི་ལོ་ ༡༩༩༠ ལུ་ ལྷོ་མཚམས་ཁ་ཐུག་ལུ་ དཀའ་ངལ་འདྲ་མིན་སྣ་ཚོགས་འབྱུང་མི་ལས་བརྟེན་ སློབ་གྲྭ་འདི་སྒོ་བསྡམས་དགོཔ་འཐོན་ནུག ཨིན་རུང་ དཀའ་ངལ་ཚུ་ཞི་ཞིནམ་ལས་ཚུར་ གཞུང་གི་སྲིད་རྒྱུས་དང་འཁྲིལ་ སྤྱི་ལོ་ ༡༩༩༣ ལོར་སློབ་གྲྭ་འདི་ སླར་ལོག་སྒོ་ཕྱེ་སྟེ་ ཤེས་ཡོན་སྦྱང་ནི་འགོ་བཙུགས་ནུག ང་བཅས་ཀྱི་རྒྱལ་ཁབ་ནང་ཤེས་རིག་གི་གནས་ཚད་ གོང་འཕེལ་འགྱོ་མི་དང་བསྟུན་ སྤྱི་ལོ་ ༢༠༡༠ ལུ་ གཞི་རིམ་སློབ་གྲྭ་ལས་ འབྲིང་རིམ་སློབ་གྲྭ་འོག་མ་ལུ་ཡར་སེང་མཛད་གནང་ནུག

སྤྱི་ལོ་༢༠༡༢ ལུ་ སྐྱབས་རྗེ་རྗེ་མཁན་ཁྲི་རབས་༧༠ པ་མཆོག་ བསམ་རྩེ་རྫོང་ཁག་ནང་འབྱོན་ཏེ་ བསམ་རྩེ་རྫོང་ཁག་འོག་ལུ་གི་ རྒེད་འོག་དང་སྤྱི་འོག་ཚུ་ནང་ཞབས་ཀྱིས་བཅགས་ཏེ་ རྒེད་འོག་དང་སྤྱི་འོག་ཚུ་གི་མིང་ རྫོང་ཁའི་ཐོག་ལུ་སོར་གནང་བའི་སྐབས་ རྒེད་འོག་འདི་གི་མིང་ ནོར་བུ་སྒང་ཟེར་ གསོལ་གནང་མ་ལུ་བརྟེན་ སློབགྲྭ་གི་མིང་ཡང་ ནོར་བུ་སྒང་འབྲིང་རིམ་སློབ་གྲྭ་འོག་མ་ཟེར་ བསྒྱུར་བཅོས་མཛད་གནང་ནུག

ད་རུང་ སྤྱི་ལོ་ ༢༠༡༨ ལུ་ འབྲིང་རིམ་སློབ་གྲྭ་འོག་མ་ལས་  སློབ་གྲྭ་བལྟེ་བ་ལུ་རྒྱ་སྐྱེད་མཛད་བའི་སྐབས་ ས་ཁོངས་ལངམ་འབད་མེད་པའི་དཀའ་ངལ་ལུ་བརྟེན་ སློབ་གྲྭ་འདི་ སློབ་གྲྭ་ཆུང་བ་ལུ་མར་ཕབ་འབད་ཞིནམ་ལས་ འདིའི་ཉེས་འདབས་མཚམས་ཅིག་ཁར་ སློབ་གྲྭ་བལྟེ་བ་འདི་གཞི་བཙུགས་འབད་འདི་འདུག། དེ་བསྒང་ སློབ་གྲྭ་འདི་གཉིས་ སློབ་གྲྭ་ལྟེ་བའི་སྲིད་བྱུས་དང་འཁྲིལ་ བདག་སྐྱོང་གཅིག་གི་མངའ་འོག་ལུ་གནས་ཏེ་སྡོད་ཡོད་རུང་ སྤྱི་ལོ་༢༠༢༠་ལོར་ སློབ་གྲྭའི་བདག་སྐྱོང་སོ་སོར་འབད་འཕྱལ་་གནང་ནུག།

འདི་ལས་ཚུར་ ད་ལྟོ་ཚུན་གྱི་བར་ སློབ་གྲྭ་འདི་ མི་སྡེ་ནང་ལུ་ སློབ་གྲྭ་ཆུང་བ་ཚུ་ལས་ སྦོམ་ཤོས་ཅིག་འབད་ འབྲུག་རྩ་བ་གསུམ་ལུ་ དམ་ཚིག་ལྷད་མེད་ཀྱི་ཐོག་ལས་ ཕྱག་ཕྱིད་གང་དྲགས་ཞུ་བཟིན་པ་རང་ཡོད་ཟེར་ཞུ་ནི་ཨིན། འདི་ནང་ཡོད་པའི་སླ་སློབ་ཚུ་ མཐུན་འབྲེལ་ཟབ་ཅིང་ དམ་ཚིག་གཙང་མའི་འགོ་ལས་ ཕྱི་ནང་ཤེས་ཡོན་དང་རྩིས་མཐོང་ རིག་རྩལ་སྣ་ཚོགས་ཀྱི་ཐོག་ལུ་ ལྷབ་སྟོན་ལས་རིམ་ཚུ་ རྒྱུ་རྐྱེན་བརྟེན་འབྲེལ་ཕུན་སུམ་ཚོགས་པའི་ངང་ལས་ འགོ་འདྲེན་འཐབ་བཞིན་པ་ཡོད་ཟེར་ཞུ་ནི་ཨིན། ད་ལྟོ་བཟུམ་ཅིག་འབད་བ་ཅིན་ སློབ་གྲྭ་འདི་ནང་ལུ་ སློབ་དབུ་འཛིན་བཙན་ལྕོགས་རྡོ་རྗེ་གིས་གཙོས་པའི་ སློབ་སྟོན་པ་༡༨ དང་སློབ་གྲྭའི་བདག་སྐྱོང་འགོ་དཔོན་༡ རྩེད་རིག་སློབ་སྟོན་པ་༡ བརྡ་དོན་འཕྲུལ་རིག་འཛིན་སྐྱོང་པ་༡ ཨ་ལོ་གཅེས་སྐྱོང་པ་ ༡ ཐབ་ཚངཔ་༢ སློབ་གྲྭའི་ཁྱིམ་སྲུང་པ་༢ ཕྱགསམ་འཕྱག་མི་༡་བཅས་ ཡོངས་བསྡོམས་ ༢༦ དང་ སློབ་ཕྲུག་ ༣༠༧ ཡོདཔ་ཨིན།