GURE PROIEKTUAK
DBH2 LES LETTRES
DBH2ko ikasleekin Pariseko zentro batekin elkartruke linguistiko bat egin dugu postaz. Ikastetxeak “”Collège Paul Fort” izena du. Helburua ikasleen motibazioa sustatzea, gutunen formatua lantzea eta beste hizkuntza eta kultura bat ezagutzea izan da.
Lehendabizi aurkezpen orri bat egin genuen bikoteak egiteko.Lehendabiziko gutunean ikasleen aurkezpenak eta deskribapenak garatu genituen. Bigarren gutunean herria, egunerokotasuna eta inauteriak deskribatu zituzten. Proiektuak ikasturte osoa iraundu du.
DBH1 PUBLICITÉ
Institutuaren 1DBH proiektuaren baitan, frantseseko ikasleen ekarpena publizitate posterrak egitea izan da, bakoitzak egin duen ibilbidea iragartzeko.
Proiektua talde txikitan egin da, egindako ibilbideen arabera, eta frantseseko programazioaren 4. gaian kokatu da. Bertan, "affiche publicitaire" bat egiteko beharrezko elementuak azaltzen dira: izenburua, slogan motako esaldi txiki bat, beste informazio interesgarri batzuk.
Horretarako, behar zezaketen hiztegia landu da, erabiliko zuten programa ikusi da (canva), dagoeneko egindako adibideak erakutsi zaizkie eta idatzizko lana beste taldeen aurrean ahozko aurkezpen bat eginez osatu da.
Adibide adierazgarri bat erantsi da.
DBH3. SAINT-JOSEPH ESKOLAREKIN ELKARTRUKEA
Iaz bezala, Oloroneko eskolako ikasleekin harremanetan ibili dira gure DBH3ko ikasleak. Urte osoan zehar iraun du proiektuak eta Hizkuntz Eskolara joan ez diren ikasleek egin dute asteazkenetan. Lehenik, eskola bakoitzeko ikasleek talde argazkia egin zuten eta beren burua aurkeztu zuten testu bidez, paddlet-en. Bertze eskolan eta hemen, argazkiko bakoitza nor zen asmatu behar zuten jasotako aurkezpenen bidez. Bigarren partean, elkarri institutua erakusteko bideo bat grabatu behar dute, horretan gaude.
DBH4 FRANTSESA-LATINEKO PROIEKTUA
Aurten ere Latineko eta Frantseseko departamentuek DBH4ko ikasleekin Ab imperio Romano usque ad imperium aerium. Toulouse: de la cité romaine à industrie aéronautique izeneko proiektua burutu dugu ikasturtean zehar.
Abenduan, 58 ikasle eta 3 irakasle Toulousera joan ginen 4 egunetarako ikastetxean landutako gaiak zuzenean ezagutzera. Bertan, le musée Saint-Raymond, le musée Aéroscopia, AIRBUS eta la cité de l’espacez gozatzeko aukera izan genuen. Hona hemen bidaiari buruz ikasleek egindako bideoa.
LEHENENGO BATXILERGOA BORDEAUX
Urtarrilean, azken urte hauetan bezala, Lehenengo Batxilergoko frantseseko ikasleekin 3 egunetarako Bordelera joan ginen. Bertan, l’espace Darwin, le bassin des lumières, le musée du vin ikusi genituen eta Escape room bat egin genuen alde zaharrean. Hona hemen bidaiari buruz ikasleek egindako bideoa.
LEHENENGO BATXILERGOA (Frantsesa 1. Hizkuntza) AMAIURKO ESKOLA
Maliko eta Frantziako ipuin pare bat prestatu dituzte Batxilergoko ikasleek eta haurrendako itzal txinatar eszenatokia sortu dute. Frantseseko iraganeko aditz ezberdinak berrikusi dituzte eta materiala eta testuak haiek sortu dituzte, ipuin klasikoetatik edanez. Hitzez eta irudiz, ipuinak lehen hezkuntzako ikasleendako egokitu dituzte frantsesez gero, eta akitzeko, Amaiurko eskolara joan gara apirilaren 12an bertako ikasleei kontatzeko.