Unha luva para os valentes

A idea deste proxecto é crear un vínculo de cooperación entre toda a Etapa, preténdese, que xa que a nova situación do Covid19 impide o traballo en cooperativo, darlle a oportunidade ao alumnado de acadar xuntos un obxectivo común potenciando o traballo en equipo.

Este proxecto está incluído dentro do Plan Lector da Etapa. Leremos varios libros, seleccionados por cada curso, que traballan os valores do proxecto, ademais pretendemos potenciar a lectura libre do alumnado polo que cada libro lido por eles acadará una bóla da cor do valor correspondente unha vez explicado o contido do libro.

Ao longo do curso o alumnado terá que conseguir as diferentes pedras de cores que servirán para completar a luva dos valentes. Para iso terán que encher uns botes cada un dunha cor diferente que irá asociado a un valor:

solidariedade, esforzo, xustiza, responsabilidade e autonomía.