Ang "Paaralang Elementarya ng Donacion" ay nasimula bilang isang paaralang primarya. Sa pasimula ng pagbubukas ng klase ay magkasama ang Baitang I at Baitang II, kung saan ang naging unang guro ay si Gng. Benita del Rosario. Nang sumunod na mga taon ay nadagdagan pa ng isang guro para naman magturo sa Biatang III at Baitang IV. Kapag ang mga mag-aaral ay sasapit na sa Baitang V at VI sila at dumadayo sa kalapit barangay ng Niugan o ng Taboc kaya.

Sa pagdaraan ng maraming taon kasabay ng pag-unlad ng barangay ay ang pagdami ng mga batang mag-aaral. Upang hindi na dumayo sa kabilang barangay ang mga batang mag-aaral. Noong taong 1991, nang minabuti at magpasiyahan na gawing elementary ang Paaralan ng Donacion. Si Dr. Mauricia Santiago ang nanunungkulang Tagamasid Pampurok nang panahaong yaon. Noong una, ipinamahala ang Donacion sa punong-guro ng Taboc na si Gng. Marina A. Zafra, ngunit nang sumunod na taon, 1992, itinalaga si Gng. Teresita F. Lo bilang punong-guro sa Donacion. Narito pa ang mga sumusunod na mga naging punong-guro na sina Gng. Marina C. Reyes (1994-1996), Gng. Marissa E. Tigas (1996-2000), Gng. Rufina P. Santos (2000-2008), Gng. Teresita V. Flores (2008-2014), G. Edwin G. Dela Cruz (2014-2016), Gng. Ma. Gina M. Del Rosario (2017-2019), G. Emerito S. Jose (2019-2020). Bb. Angelita C. Baltazar bilang Officer-in-Charge noong Taong Pampaaralan 2020-2021 at ni Gng. Myra B. Santiago ngayong 2021 hanggang sa kasalukuyan.

Noong Hunyo 24, 2010, ang Paaralang Elementarya ng Donacion ay napalitan ng Paaralang Elementarya ng Teodoso R. Manuel bilang pagkilala sa mga nagawa niyang pagtulong at paglilingkod sa mga taga Donacion at maging sa bayan ng Angat.

Patuloy ang pag-unlad ng paaralan, patunay nito ang mga kongkretong gusali at mga bagong pinta, may mga ilaw, tubig at C.R. sa bawat silid-aralan. At ang patuloy na pagdami ng mga batang mag-aaral.

Sa kasalukuyan, sa pamumuno ni Gng. Myra B. Santiago ay patuloy ang paghahangad ng kaunlaran ng paaralan at kalidad ng edukasyon para sa mga bata, at ito ay maisasakatuparan sa pamamagitan ng pagkakaisa at suporta ng mga kasamahang guro, mga batang mag-aaral, mga magulang, mga opisyal ng barangay at mga taong naghahangad ng kaunlaran ng paaralan ng barangay.