Task 1

Ipamalas ang maingat na paghuhusga sa pamamagitan ng pagkilos nang mapanagutan ayon sa mga pagpapahalagang natutuhan sa pamilya. Isagawa ang mga kilos na ito sa tahanan, paaralan at pamayanan. 

Task 2

Ipamalas ang pagiging matiyaga sa pamamagitan ng  pagpapahalaga at pagkilos nang may pagmamahal sa pamilya. Magsagawa ng angkop na kilos nagpapakita ng pagtupad sa mga tungkulin ng pamilyang kinabibilangan. Gumawa ng talaan ng tungkulin ng bawat miyembro ng pamilya. Magkaroon ng malayang talakayan sa klase upang maibahagi ang kasagutan ng mga mag-aaral.

Task 3

Ipakita ang pagmamahal sa pamamagitan ng pagsasagawa ng mga angkop na kilos na nagpapamalas ng pag-unawa, pagrespeto at pagkalinga sa pamilya. 

Task 4

Isabuhay ang pagiging madasalin sa pamamagitan ng sama-samang pagdarasal  kasama ang pamilya.

Task 5

Isabuhay ang maingat na paghuhusga sa pamamagitan ng paglalaan ng pagkakataon upang makapagbasa, makapagbahagi at makapagnilay ang bawat miyembro ng pamilya ng mga aral mula sa Banal na Kasulatan. Sa gawaing ito mahuhubog ang konsensya tungo sa maingat na paghuhusga upang makagawa ng mabuting pagpapasya at matuwid na pagkilos ang mag-aaral sa tulong at gabay ng pananampalataya ng pamilya.

Task 6

Isabuhay ang pagiging mapagmalasakit sa pamamagitan ng pagsasagawa ng mga angkop na pamamaraan ng pagtugon ng pamilya sa pagbabago ng klima. Magsagawa ng sama-samang paglilinis ng tahanan at kapaligiran sa labas ng bahay. 

Task 7

Bumuo ng simpleng proyektong pampamayanan na tumutugon sa kaayusan at kalinisan, kaayusan, kapayapaan at kaunlaran ng pamayanan.