Ti Naggapuan ti Nagan ti Barangay a Pagnanaedan

TI PAKASARITAAN TI BARANGAY CALAPANGAN

(Isinarita ni Minalyn Queja-Asuten)

Idi un unana a panawen ti Lasam ket parte pay lang iti ili a Gattaran agsipud ta saan pay naisina nga ili.

Ket ti barangay Calapangan Sur ken Calapangan Norte ket masarakan iti abagatan iti barangay Aggunetan. Daytoy nga lugar ket narukbos ken nasalumpayak dagiti kayo , adda kawayan, santol, salamagi abokado,ken nadumaduma pay a

kita ti kayo.Nadalus ti aglawlaw, dagiti bumarangay iti agdalus. Sadiwa ti malang –ab nga angin.Ti barrio a Calapangan Sur ken Calapangan Norte ket igid ti karayan ti Cagayan River.

Nalawa iti kataltolonan , nga daytoy ti maysa nga pangal alaan dagiti bumarrio iti pagbiagan da, ket ti abagatan na ket adda nalawa nga galwan nga pag calcalapan da iti nadumaduma nga lames kas iti paltat, gurami, igat, dalag, ar- arro, ken dadduma pay .Nakagaggaget dagiti bumarangay nga mapan agcalap.Iti parte ti daya ket makita ti attidog nga Karayan (CAGAYAN RIVER) ket iti parte ti abagatan na ket adda bassit a waig na, nga maysa pay daytoy nga pagal alaan da iti lames .Napalaw- lawan iti pagcalapan dagiti tattao. Kas kunada idi un- unanana nakaad adu ti maal alada nga ludong nga ti maysa nga tao ket makaala iti sangapulo ket lima a piraso ken linata nga ipon.

Babaen ka daytoy ket nasalukag ken na ka gaggaget dagiti bumarrio nga mapan ag calap iti lames nga sidaen da ken ti dadduma ket ilako da diay tiendaan tapnu igatang da iti sabali pay nga kasapulan da.

Kada aldaw ti Domingo ket dagiti bumarrio ket agu- ummong da nga agrambak, aglulutoda, ken agpapangan da a kas panag yaman da iti inted ni apo Diyos kadakuada nga bendisyon.

Naglabas ti panawen nadanun iti panakaisina iti Lasam iti ili a Gattaran ti tawen nga 1956. Ket ngarud maysa ti Calapangan nga barrio iti Lasam. Ket inadaw da ti nagan ti barrio da nga CALAP _ kayat na a sawen (PANAGCALAP) PANGAN-kayat na met sawen ket (PANNANGAN).

Ket daytoy ti nangalaan da iti nagan ti barrio nga Calapangan.

Adu ti nagbalbaliwan ti nanumo a barangay kas iti kongkreto a dalan, adda naipatakder nga kongreto nga gymnasium, barangay hall,adda pay hardware nga paggatangan dagiti materyales nga aramiden nga balay ken paspasdek. Adda koryente, ket aminen nga balay ket adda ti pagbuyaan da nga telebisyon ket saan dan nga maudi nga makaamu dagiti mapaspasamak iti lugar tayu a Pilipinas.