History

PAKASARITAAN TI AWALLAN

Idi un-unana a tiempo, adda dagiti nagtagiuna nga agnanaed nga isu dagiti Agta. Daytoy a lugar ket maysa pay laeng a kabakiran ti lawlaw na , ket dagiti Agtas saan da ammo ti ubra a panagtalon. Panaganup laeng ti ammoda a pagsapulan para iti panagbiag da iti inaldaw-aldaw.

Maysa nga aldaw, indadauluan iti maysa a panglakayen dagiti Agta nga mapanda aganup ti atap a dingnguen idiay kabakiran. Napalaus iti ragsakda gapu iti adu a naanup nga ayup iti apagkanito a panaganupda. Gapu kadaytoy a napasamak ket nangirugida ngarud iti maysa a naisangsangayan a panagraragsak tapno rambakanda ti adu a naanupda. Napanda manen naganup ket naragsakanda a nagawid ta adu manen ti naanupda. Iti simmaruno nga inda pinaganup ket nalidayanda gapu iti kinabassit iti naanupda. Ti sumarsaruno a panaganupda ket in-innut a maaw awanandan iti namnama, kinunada ket “Awan lattan”. Ul-ulitenda nga ibagbaga ti sarita nga “awan lattan” aginggana a nagbalikas nga “AWALLAN”.

Iti panaglabas ti panawen, adda dagiti tao a naggapu idiay probinsya iti Ilocos. Dinalusanda ti lugar ket nangrugi dan a nagtalon ken nagsikka babaen iti panagkaykaysa iti tattao. Immadu dagiti tattao a nagnanaed iti lugar ket nangrugi a naatur ket naipatakder ti maysa a pagadalan. Umuna iti Primary School aginggana nagbalin a Complete Elementary School. Saan a nagbayag ket naam-ammoda iti lugar a kas bilbilangen a barangay ti ili a Baggao. Ket pormal a nairehistro a barangay idi 1932.

Iti agdama, gapu iti panagayat iti tattao iti tunggal maysa ,ti barangay Awallan ket nagbalin a narang-ay ken natalna a pagnanaedan.