ABOUT US

Ano ang Alternative Learning System?

Ang Alternative Learning System (ALS) ng Kagawaran ng Edukasyon ay nilikha para sa mga hindi nagkaroon ng pagkakataong makapag-aral. Ginawa ito upang maging isang alternatibong paraan para matuto ng mga kaalaman at kasanayang makatutulong sa pagpapaunlad ng kalidad ng pamumuhay.

Ano ang mga Programa ng ALS?

Ang programa ng Alternative Learning System ay ang Basic Literacy Program para sa non literate at neo literate at Continuing Education- Accreditation and Equivalency (A&E) learning program para sa out-of -school youth at Adults.

Sinu-sino ang maaring mag-aral sa ALS?

Ang prayoridad na maaring mag-aral sa ALS ay ang mga Out-of-School Youth and Adult. Mga mag-aaral na nakatapos sa elementarya at sekondarya na nagtigil sa pag-aaral na mahigit sa isang taon o mga school dropouts.

Bakit kailangan ang Alternative Learning System sa Pilipinas?

Marami sa ating kababayang Filipino ang hindi makapag-aral at di nakatapos ng pag-aaral sa pormal na edukasyon dahil sa ibat-ibang kadahilanan. Ang bawat mamayang Filipino ay may karapatang sa libreng edukasyon "Education For All o EFA", kaya ang Pamahalaan ay nilikha ang Alternative Learning System (ALS) para sa lahat ng mga Filipino na magkaroon ng pagkakataong makapag-aral at makakuha ng katibayang pangelementarya at pang-sekondarya pagkatapos ng pag-aaral

Magkano ang bayad sa pag-aaral sa ALS?

WALANG bayad ang pag-aaral sa ALS ito ay libre. Ang nagbabayad o nagsusuporta sa mga pangangailangan ng mag-aaral at sa nagtuturo sa ALS ay ang Pamahalaang Lokal, Non-Government Unit, Pribadong Sektor, mga Service Provider at iba pang-samahang Sibiko