Kalpasan iti Maikadua nga Gubat iti Lubong idi tawen 1945, adu dagiti tattao a nagbakwit gapu iti napalalo a rigat ken bisin. Nagsapul da iti lugar a mabalin da a pagnaedan. Naipadpad iti maysa a lugar iti banda iti abagatan a daya ti ili nga Buguey. Napalawlawan daytoy iti nabaknang a banbantay ken tantanap. Naparaburan daytoy a lugar ti agduduma a klase ti kaykayo, bulbulo ken natnateng. Adda dagiti sumagmamano a pugpugot nga agnanaed ditoy.

Bayat iti panaglabas iti panawen, immadu dagiti tattao a nagnaed ditoy. Nagtitipon dagiti Ilokano ken pugpugot iti nabayag a tawen.

Kas ammo tayo amin dagiti pugpugot ket awan masnup nga pagnaedan da ket in-inut da nga pimmanaw. Adda met sumagmamanu nga nabatbati.

Babaen ti liderato iti naayat nga Alkalde Mayor Licerio “ Ciryong” Antiporda Sr. ket nabaliwan iti nagan manipud “Pakak” ti “Villa Cielo” idi 1967, a naadaw iti nagan ti ing inguten na nga apoko a ni Cielo Antiporda.