Iti tawen sangaribo ket siam a gasut ken innem a pulo ( 1960) napatakder ti Tabbac Primary School. Dua a grado, umuna ken maikadwa, nga ti nagbalin nga manursuro ket dagiti agasawa isu da Mr Torian Ponce ken Estefania Ponce. Naaramid ti pagadalan babaen ti kayo ken babaen ti tulong dagiti naanus ken nagagaget a bumangrangay/bumario.Napalabas ti sumgmamano a tawtawen nanayunan ti dua manen a grado, grado tres ken grado kwatro. Adu dagiti manursuro nga masukansukat nga naggapo met laeng ti kabangibang a barrio. Ti tawen 1979 napasamak ti damo a laban ti nagbaetan ti suldado ken NPA.

Gapo ti pasamak nga saan a panagsardeng ti saan a panagkinnaawatan dagiti suldado ken NPA nagbakwit dagiti bumarangay. Ngarud nagrikep ti dua a tawen ti pagadalan. Ket dagiti ubbing nga madama nga agad-adal immakar da diay Pattao Elementary School. Bayat ti kaawan dagiti bumarangay dimteng ti bagyo nga napigsa ket nadadael ti pagadalan.

1984 nagsubli dagiti bumario ken binangon da manen ti pagadalan, ket ditoy a nagtultuloy nga napapintas ti pagadalan agingga ng nakunkreto met laeng.

1994-1995 , ket nanayunan manen t dua a grado isu iti maikalima ken maikainnem a grado, iti daytoy nga tawen nabuon a Elementarya. Babaen iti panangresulusyon dagiti adda iti konseho ti Tabbac nga idadaulwan daydi pasado a kapitan Alberto Queppet Sr. Inpagna da ti pannakakompleto iti Elementrya bababen ti tulong ni pasado Sanguniang Bayan Loreto Alipio Sr. nga nangidatag ken ti dati nga nagmaymayor ti Ili tayo Honorable Mayor Licerio Antiporda Jr. nga sinuportan ti School board ken ti retirado nga District Supervisor Mr. Adolfo P. Miranda . Aggapu ti Barangay San Juan ken Tabbac ti agad-adal idi.

Ti pannakakompleto na nga Elementarya dagitoy dagiti mamaestra nga nangisuro. Miss Wilma C. Ponce – Teacher –In –Charge kasta met ng isu ti Grade I ken II adviser, Miss Milagros C. Ponce-Usquisa – grades III ken IV adviser, ken n Mrs. Imelda N. Perarlta – grades V ken VI adviser.

Bayat ti panaglabas ti adun a tawen ti pagadalan ket puminpintas gapu iti panagtitinulong dagiti mamaestra , stakeholders, PTA officers, Nagganak ken dagiti barangay officials.

2021- Iti Agdama nga tawen, ti Tabbac Elementary School ket bukbukelen ti walo nga mangisursuro nga idadaulwan ni Mrs. Hazel B. Acebedo, Principal I, Olivia S. Blancas- Kindergarten Adviser, Laring G. Cabudol- Grade I Adviser, Jennifer C. Alipio- Grade II Adviser, Jeniffer L. Galasinao – Grade III Adviser, Roselily B. dela Cruz, Grade IV Adviser, Lee Amor L. Valdehueza, Grade V Adviser, ken Ruth A. Time – Grade VI Adviser. Babaen ti regta , anus dagitoy a mangisursuro agtultuloy latta iti pannakapapintas ti pagadalan ken ti tulong dagiti opisyales ti barangay nga ipangpanguluwan ni Kapitan Fredelito B. Umoquit kasta met kadagiti PTA Officials , Stakeholders ken dagiti naaanus a nagganak.