HISTORY OF SAN LORENZO ELEMENTARY SCHOOL

Idi un-unana a tiempo babaen ti istoria dagiti lallakay ken babbaket ti dati a nagan ti San Lorenzo ket Alucao Weste. Ti nagan a San Lorenzo ket naadaw ti nagan daydi Mr. Lorenzo Aquino nga isu met ti katugangan daydi Ex-mayor Fundador Varilla, iti nangidonar ti maysa ektaria a daga nga isu ita iti ayan ti pageskuelaan ti daytoy a lugar, ti San Lorenzo Elementary School. Kas pakalaglagipan daydi Mr. Lorenzo Aquino, indawat ngarud ni Ex-mayor Varilla a no masukatan ti nagan daytoy a lugar kas tarigagay dagiti agindeg tapno makapagbukbukodda a kas maysa a barangay, ti nagan nga maisukat iti Alucao Weste ket San Lorenzo. Babaen ti napintas a pangidaulo daydi Kapitan Juan Gallardo, suporta dagiti adda babaenna, ken iti pannakikaysa dagiti lumugar ti nagan ti nasao a lugar ket nasukatan ti San Lorenzo.