Neste proxecto, os nenos en nenas de segundo de primaria investigamos sobre unha labor artesanal que fai moitísimos anos foise transmitindo de xeración en xeración, ata chegar á actualidade. Hoxe en día, o crochet ou ganchillo abarca miles de técnicas, patróns e deseños.
Embedded Files
obxectivos
obxectivos
Coñecer as diferentes técnicas e puntos de ganchillo.
Indagar e recadar datos sobre os contidos a traballar.
Potenciar e mellorar habilidades artísticas.
Traballar temas transversais.
Fomentar o traballo en equipo e a colaboración
Primeira toma de contacto.
Primeira toma de contacto.
Cada neno e nena da aula, realizou unha pulseriña co punto máis básico do crochet, o punto cadeneta.
queres aprender a facer unha cadeneta?
queres aprender a facer unha cadeneta?
Visita de salomé.Artesana galega.
Visita de salomé.Artesana galega.
Salomé, coa súa marca Cucapuntoes, é unha artesana galega e ten unha tenda de lás en Tui, que ademáis transforma cada día nun obradoiro onde imparte clases de punto e crochet a máis de 60 alumnxs.
¡Tivemos a sorte de que viñera a nosa clase! Trouxo varios proxectos feitos e diseñados por ela e prestouse a responder con moito cariño a todas as preguntas que lle fixemos na nosa entrevista.
entrevista a salomé.Artesana galega.
entrevista a salomé.Artesana galega.
Tivemos a sorte de poder entrevistar a Salomé en persoa xa que viu a nosa clase a vernos.
Nun primer momento Salomé explícanos que é artesá galega e que para conseguilo tivo que certificar que tivo a cualificación suficiente para impartir clases desta labor.
Cantas horas ao día soes pasar co ganchillo ou calceta?
Normalmente entre oito e dez horas. Paso o día dando clase as miñas alumnas e sempre estou coas agullas entre as miñas mans. Fai pouco ata tiven unha tendinitis na man, teño que facer estiramentos.
2.Quen che ensinou?
No colexio, cando era pequena, había unha asignatura de manualidades e unha profe ensinábanos, ademáis a miña avoa tecía e unha das miñas tías calcetaba, así que aprendín un pouco de cada unha delas. Logo, cando xa me fixen maior empapeime de libros e acudín a moitos certames onde e feiras onde había profesionais que che ensinaban diferentes técnicas que aquí non podías aprender.
3. Por que empezaches?
Simplemente porque me gustaba,quería facer formas... Vía a miña avóa e pensaba, que curioso que dun fío poidas crear un tecido e logo, dese tecido crear formas. Curiosidade, coa que empezas e logo non rematas. Mais tarde comecei a buscar información, pero non había internet, soamente podía ver algunha revista e aproveitar do que me ensinaban esas persoas que xa sabían.
4.Como se chama a túa tenda? Soamente vendes las?
Chámase "Cucapuntoes", está en Tui. Vendo todo tipo de las, tamén traballos feitos por min xa rematados, realizo encagos e ademáis imparto clases de punto e crochet. Lévame moito tempo a elaboración dos meus diseños, as traducións e testeos dos mesmos.
5. Que fan as persoas que testean os teus deseños?
Pois realizan o meu patrón e buscan se hai algún erro, para eu poder correxilo despois. Normalmente, fano unha persoa de nivel baixo, otra de nivel medio e outra de nivel alto. Ademáis, os meus patróns están en diferentes idiomas, inglés, francés e castelán.
6. Cal é o teu consello para quen quere aprender?
Que teñades un pouco de paciencia. Tedes que empezar por algo sinxelo.
7. Como te sintes cando ganchillas ou calcetas?
Pois axúdame moito a evadirme doutras cousas. As veces estás concentrada, olvídaste de todo, pasa o tempo ...
8. Prefires o ganchillo ou a calceta?
Gústanme as dúas cousas por igual e as veces teño que alaternalas para evitar ter lesións.
9. Cantos anos levas ganchillando e calcetando?
Moitísimos, dende os cinco anos.
10. Cal foi o proxecto máis especial que fixeches?
Pois o unicornio Teo, porque o deseñei pensando no meu can, que obviamente, chámase Teo. Atopámolo no río e foi o único que sobreviviu da súa camada. É moi especial para min.
11. Cres que o traballo artesanal está ben valorado?
Hai xente que si e outra que non. Normalmente, as persoas que non o saben valorar e porque nunca o fixeron. Sen embargo, outra moita xente, prefire comprar artesanía xa que así teñen algo único e diferente ao demáis, ninguén terá algo igual.
12. Tes moitos alumnos e alumnas?
Teño algo máis de 60 alumnas, ningún chico. Imparto todos os días clases de 16.00 a 18.00hs. e de 18.00 a 20.00hs. Veñen por turnos.
13. Cantos anos teñen as túas alumnas?
A máis pequena ten 9 anos e a maior 83 anos.
O ganchillo na aula
O ganchillo na aula
Sabías que tecer achega moitos beneficios aos nenos e nenas?
Mellora a motricidade fina, aumenta a concentración e, ademais, desenvolve a creatividade.
Trátase dunha actividade moi valiosa, xa que contribúe ao desenvolvemento integral dos nenos e nenas. Melloran a súa coordinación, a motricidade fina e a concentración, ao tempo que fomentan a paciencia e a creatividade. Ademais, ditas labores, permiten traballar valores como a cooperación e o respecto, especialmente cando se realizan proxectos en grupo.
Moitos creen que tecer é de “xente maior” pero está máis que demostrado que non é así. Roupa, complementos, accesorios, monecos… feitos a ganchillo son, hoxe en día tendencia!
na clase de proxecto educativo coa profe iris.
na clase de proxecto educativo coa profe iris.
Na materia de proxecto, a profe Iris axúdanos a practicar crochet con trapillo. Ademáis da cadeneta empezamos a practicar o punto baixo y tamén fixemos cordóns con dúas cores.
participación das familias
participación das familias
Nais, avóas, tías... aportaron o seu gran de area a este proxecto deixando que os alumnos e alumnas trouxeran a clase labores feitas por elas.
Feito por laura, mamá de Alma.
Feito por unha amiga da mamá de bruno.
Feito por Elsa, mamá de Ares.
Feito por isabel, avóa de daniela.
Feito por sofía, mamá de sara.
os abalorios da teacher
os abalorios da teacher
A teacher Eva tamén lle encanta o ganchillo, ten moitísimos colares, pulseras, broches... feitos por ela. Tivemos a sorte de poder ver algúns deles xa que os trouxo a clase. Son unha pasada!
Page updated
Report abuse