Kawm Ntawv Hmoob

Hais Txog Xib Fwb Vicky Xiong (Maiv Ntxhi Xyooj)

Nyob zoo tsoom niam txiv, tsoom tub ntxhais kawm ntawv nrog rau cov qhua uas tau nkag los saib lub website no. Ua tsaug koj tseem xav paub txog peb kev kawm ntawv Hmoob. Kuv tau qhia ntawv tau 19 lub xyoos nyob rau hauv Clovis Unified rau hauv cov tsev kawm ntawv Dry Creek, Century, thiab Cole. Tom qab ntawd, kuv kuj tau mus ua ib tug loo thawj tswj lub tsev kawm ntawv Ericson nyob rau hauv Fresno Unified tau ob lub xyoos ua ntej kuv rov qab los qhia ntawv Hmoob rau hauv Clovis Unified. Tau plaub tsib xyoos no, kuv muaj feem los qhia ntawv Hmoob rau hauv Clovis High thiab Buchanan High . Kuv zoo siab tias koj tseem muaj siab los nrog peb kawm ntawv Hmoob los sis koj tus me nyuam tseem tau los kawm ntawv Hmoob nrog kuv. Yog nej leej twg tsis tau los kawm ntawv Hmoob los thov caw nej sawv daws los koom nrog peb kawm ntawv Hmoob thiab caw nej cov phooj ywg los kawm ntawv Hmoob sai sai no, los sis mus nrhiav kev kawm ntawv Hmoob ntawm cheeb tsam tsev kawm ntawv uas nyob ze nej sawv daws nawb mog. Txoj kev kawm ntawv Hmoob yuav ua rau koj txoj kev xav thiab paub txog Hmoob nthuav mus dav heev. Koj yuav txaus siab rau koj tus kheej thiab zoo siab hais tias koj yog Hmoob. Muaj lus dab tsi, sau email rau kuv tau ntawm vickyxiong@cusd.com.