Rhaglen 

Beth sydd ymlaen
Dydd Mercher 26 Mawrth

8.45am Cofrestru, rhwydweithio a gweld yr arddangosfa

9.30yb Croeso gan y Cadeirydd  — Sian Lloyd

Yn newyddiadurwraig a darlledydd profiadol, mae Sian yn wyneb cyfarwydd i wylwyr ledled Prydain o gyflwyno rhaglenni yn cynnwys BBC Breakfast, BBC Crimewatch Roadshow a Panorama. Mae hefyd wedi gohebu ar rai o’r digwyddiadau allweddol mewn hanes diweddar fel uwch ohebydd newyddion ar gyfer rhwydwaith y BBC.

9.40yb Croeso a Gosod y Llwyfan
Gerraint Oakley, Cadeirydd, Cartrefi Cymunedol Cymru

10.00yb Sesiwn Panel —  Diwylliant Ystafell Fwrdd: Gwersi o Grenfell

Roedd trychineb Grenfell yn ein atgoffa’n glir am ganlyniadau methiannau llywodraethiant a pheidio gwrando ar lais tenantiaid, gan ysgogi newid sylweddol mewn diwylliant ystafell fwrdd. Bydd y panel yn ymchwilio’r camau a gymerwyd mewn ymateb i hynny  - yn y gorffennol a hefyd yn parhau – i sicrhau nad oes trychineb o’r fath byth yn digwydd eto. O’r cynnydd mewn llais tenantiaid i ffocws cryfach ar  EDI (Cydraddoldeb, Amrywiaeth a Chynhwysiant), byddwn yn trafod sut gall swyddogion llywodraethiant gynnal ac adeiladu ar y cynnydd hwn. Mewn tirlun sy’n esblygu, lle mae pwysau allanol a chynnydd athroniaethau de-pell yn achosi heriau newydd, sut y gall byrddau barhau i feithrin atebolrwydd, cynhwysiant ac ymddiriedaeth? Ymunwch â ni mewn trafodaeth sy’n codi cwr y llen ar ddyfodol diwylliant ystafell fwrdd.

Mewn sgwrs gyda:

• David Wilton, TPAS Cymru

• Olu Olanrewaju, Altair

• Dominic Mika, SWFRS

• Alicja Zalesinska, Tai Pawb

11.30yb Prif araith — Gwrando, gweithredu, gwella: defnyddio dealltwriaeth strategol o gwynion
Michelle Morris, Ombwdsmon Gwasanaethau Cyhoeddus Cymru

Mae gan yr ombwdsmon gwasanaethau cyhoeddus safbwynt unigryw a gwerthfawr ar berfformiad cymdeithasau tai a gwasanaethau cyhoeddus. Gan ddefnyddio profiad helaeth a chyfoeth o astudiaethau achos, bydd yn rhannu ei dealltwriaeth o ddarpariaeth gwasanaeth cymdeithasau tai, ynghyd ag ystyried yr amodau diwylliannol i greu sefydliadau ffyniannus sy’n cyflawni dros ein cymunedau.

Bydd yn ystyried yr ymagwedd ragweithiol ac ymatebol i drafod cwynion gan gymdeithasau tai mewn modd sydd yn cynyddu bodlonrwydd tenantiaid, adeiladu perthynas gryfach gyda’u cymunedau a hefyd yn arddangos eu hymroddiad i atebolrwydd a llywodraethiant da.

12.10pm Gweithdai

Cryfnau ein hymagwedd at ddeddfwriaeth

Ymunwch â Stuart Ropke, Prif Weithredwr CHC i ystyried y gwersi a ddysgwyd o ddatblygiadau a gweithredu deddfwriaeth ddiweddar, a sut y gallwn barhau i gryfhau ein hymateb ar y cyd.

Llywio caffael: Llywodraethiant, effaith a chyfle

Gyda deddfwriaeth caffael yn esblygu, mae’n rhaid i sefydliadau addasu i barhau i gydymffurfio a hefyd i ddefnyddio’r cyfleoedd a ddaw’r newidiadau hyn. Bydd y gweithdy hwn yn ymchwilio effeithiau ehangach y ddeddfwriaeth caffael newydd, gyda ffocws ar rôl aelodau bwrdd a gweithwyr proffesiynol llywodraethiant wrth sicrhau gweithredu effeithlon. Gyda sylwadau gan Carl Thomas o Lywodraeth Cymru, byddwn yn trafod sut olwg sydd ar lywodraethiant da ar waith – yn cynnwys ymatebion strategol, rheoli risg a sut y gall sefydliadau ymwreiddio arferion gorau i hybu gwerth ac effaith gymdeithasol.

• Carl Thomas, Llywodraeth Cymru

Llywio’r farchnad yswiriant tai cymdeithasol: heriau a strategaethau

Mae’r farchnad yswiriant tai cymdeithasol wedi wynebu heriau sylweddol dros yr ychydig flynyddoedd diwethaf gyda dewis cyfyngedig, darparwyr allweddol yn gadael y farchnad gan greu cyfyngiadau galluedd a gorfodi llawer o sefydliadau tai i geisio datrysiadau eraill. Mae bellach arwyddion fod y farchnad yswiriant tai cymdeithasol yn dechrau gwella. Bydd y sesiwn yma yn edrych ar yr esblygiad yn nhirwedd yswiriant tai cymdeithasol, gyda ffocws ar lywodraethiant, rheoli risg a dulliau strategol i sicrhau sicrwydd digonol. Byddwn yn trafod goblygiadau newidiadau yn y farchnad ar gyfer byrddau a gweithwyr proffesiynol risg, ymchwilio arferion gorau ar gyfer lliniaru cysylltiad ac ystyried sut y gall sefydliadau lywio amgylchedd yswiriant cynyddol gymhleth.

• Jill Jones, Gallagher

Diogelu rhag Bygythiadau Seiber sy’n Esblygu’n Barhaus

Yn y sesiwn yma, bydd yr Hyb Arloesedd Seiber yn rhoi gwybodaeth ar sut y gall sefydliadau eu diogelu eu hunain yn effeithlon rhag risgiau seiber. Mae bellach yn achos o pryd, nid os, y bydd eich sefydliad yn dioddef ymosodiad seiber. Bydd hyn yn cynnwys ystyried sut i reoli digwyddiadau, rhai egwyddorion pwysig ar gyfer cyfathrebu a rhai camau ymarferol i wella sefyllfa seiberddiogelwch eich sefydliad. Mae hon yn sesiwn hanfodol ar gyfer unrhyw un sy’n dymuno gwella cydnerthedd eu sefydliad ac aros ar flaen bygythiadau seiberddiogelwch.

• Andy Dodge, Hyb Arloesedd Seiber

2.00yp Prif Araith — Arloesi gyda hyder tra'n diogelu rhag risg
David Jones, Cadeirydd Anweithredol y DVLA a Chyfarwyddwr Anweithredol yn Ofwat

Mewn byd o ddatblygiadau technolegol cyflym, mae sefydliadau’n wynebu her allweddol: croesawu arloesedd tra’n diogelu rhag risg.

Yn arweinydd profiadol mewn technoleg, rheoleiddio a llywodraethiant, mae gan David Jones wybodaeth werthfawr tu hwnt ar sut i daro’r fantol firain.

Gyda gyrfa yn cwmpasu entrepreneuriaeth technoleg, buddsoddi ac arweinyddiaeth anweithredol ar draws sectorau yn cynnwys gofal iechyd, telathrebu a rheoleiddio ariannol, mae gan David safbwynt unigryw ar ryngdoriad arloesedd a rheoli risg. Ar ôl cynghori sefydliadau fel Ofcom, Ofwat ac Awdurdod Refeniw Cymru, mae’n deall cymhlethdodau llywio newid tra’n cadw cydnerthedd.

Yn y brif araith yma, bydd David yn ymchwilio sut y gall sefydliadau ddefnyddio cyfleoedd newydd heb agor eu hunain i fygythiadau diangen. Gyda phrofiad go iawn a strategaethau ymarferol, bydd yn amlinellu cynllun ar gyfer arweinwyr sy’n dymuno hybu cynnydd tra’n sicrhau llywodraethiant a diogelwch.

Ymunwch â ni am sesiwn ddefnyddiol fydd yn herio syniadau confensiynol a rhoi’r dulliau rydych eu hangen i arloesi yn hyderus.

2.45yp Gweithdai

Cipolwg Cyfreithiol ar gyfer Cymdeithasau Tai: Newidiadau Diweddar Na Fedrwch eu Hanwybyddu

Mae’r sesiwn yma yn canolbwyntio ar y meysydd allweddol o gonsyrn i chi drwy dynnu sylw at y tri phrif fater fydd yn effeithio arnoch yn 2025 , dynodi tri newid deddfwriaethol i gadw golwg amdanynt a dategu’r tri phrif ddarn o gyngor mae chleientiaid tai eu hangen nawr.

• Harriet Morgan, Hugh James

Rheoli risg deallus: Cydbwyso diogeliad a chyfle

Yn aml caiff rheoli risg ei weld fel rhwystr i arloesedd, ond gyda’r ymagwedd gywir, gall fod yn ysgogydd grymus ar gyfer llwyddiant. Yn y gweithdy rhyngweithiol yma, bydd Barcud Shared Services yn ymchwilio sut y gall sefydliadau drin risg yn effeithlon heb fygu cyfleoedd ar gyfer twf ac arloesedd.

Gydag arbenigedd mewn archwilio manwl, caffael, llywodraethiant a rheoli risg, mae Barcud Shared Services yn helpu sefydliadau i gynyddu cydnerthedd, gwella effeithiolrwydd a chyflawni amcanion strategol. Bydd y sesiwn yn rhoi cipolwg ymarferol, astudiaethau achos go iawn a strategaethau llwyddiannus i’ch helpu i ymwreiddio diwylliant rheoli risg rhyngweithiol sy’n cydbwyso cydymffurfiaeth gyda chynnydd.

Wedi’i gynllunio ar gyfer arweinwyr, gwneuthurwyr penderfyniadau a gweithwyr proffesiynol risg, bydd y gweithdy hwn yn rhoi’r dulliau i chi droi risg er mantais strategol – hybu effeithiolrwydd, gostwng gorbenion a datgloi cyfleoedd newydd.

Ymunwch â ni i ddysgu sut y gall rheoli risg deallus rymuso dyfodol eich sefydliad, ac nid ei gyfyngu.

• Nigel Ireland, Barcud Shared Services
  
  

Mae’r cyfan am yr ased! Sut y gall Aelodau Bwrdd siapio pa wasanaethau rheoli asedau a ddarperir a sut y gwneir hynny

Bydd ffocws y sesiwn ar ddefnyddio amser aelodau bwrdd yn well i yrru pa a sut y caiff gwasanaethu rheoli asedau eu darparu. Bydd Kieran yn canolbwyntio ar bwysigrwydd allweddol strategaeth a sicrhau bod ffocws craffu a throsolwg yn parhau ar y pethau sy’n wirioneddol bwysig.

• Kieran Colgan, Ark Consultancy
  
  

Llywodraethu am effaith – a beth sydd gan ungornau i wneud â’r peth

Ymunwch â Kirsten, Cadeirydd y Bwrdd Caredig a Marcia, y Prif Weithredwr, i glywed sut y bu Caredig yn dysgu cyrsiau o tu hwnt i’r sector i lywio eu dull gweithredu o fewn y Bwrdd ac draws y sefydliad i lywodraethu gydag argraff. Bydd y gweithdy hwn yn cyflwyno’r methodolegau sydd ganddynt.

• Marcia Sinfield a Kirsten Achtelstetter, Caredig

4.10yp Prif Araith — Seiberddiogelwch fel Rhwymedigaeth Arweinyddiaeth
Andy Dodge, Hyb Arloesedd Seiber

Mae bron bob sefydliad yn dibynnu ar dechnoleg ddigidol i weithredu. Felly mae seiberddiogelwch yn agwedd sylfaenol o waith unrhyw sefydliad. Eto, er ei natur hanfodol, mae llawer o sefydliadau yn dal i ystyried mai technoleg gwybodaeth sy’n llwyr gyfrifol amdano.  Mae’r ffordd hon o feddwl yn hen ffasiwn a hefyd yn beryglus. Mae seiberddiogelwch yn gonsyrn ar draws sefydliad, ac mae’r cyfrifoldeb pennaf gydag arweinyddiaeth ar y lefelau uchaf. Mae’n anodd meintioli’r risgiau i enw da sefydliad ond gall y gost bosibl o unioni digwyddiad seiber fod yn sylweddol. Bydd hyn i gyd yn rhoi’r sbotolau ar y tîm arweinyddiaeth.

Bydd Andy yn trafod y tirlun bygythiad seiber sy’n esblygu’n barhaus a’r dystiolaeth ddiweddaraf o’r ‘Cyber security breaches survey’ (DSIT, 2024).

4.40yp Diwedd Diwrnod 1  — Sylwadau’r Cadeirydd

Beth sydd ymlaen
Dydd Iau 27 Mawrth

8.45yb Cofrestru, rhwydweithio a gweld yr arddangosfa

9.30yb Cyflwyniad i Ddiwrnod Dau
Sian Lloyd, Cadeirydd Cynhadledd

9.40yb Prif Araith — Pam fod Cydraddoldeb, Amrywiaeth a Chynhwysiant yn Bwysig ar eich Bwrdd
Claris D'Cruz

Mae Claris D’cruz yn Ymgynghorydd a Hyfforddydd Cydraddoldeb, Amrywiaeth a Chynhwysiant (EDI) gyda dros 25 mlynedd o brofiad o gefnogi byrddau nid-er-elw. Bydd Claris yn trafod pam fod EDI a phrofiad bywyd yn bwysig ar eich bwrdd a sut y bydd yn galluogi eich cymdeithas tai i gyflawni ei gweledigaeth a chenhadaeth gyda mwy o effaith.  Gan ddefnyddio profiadau byrddau y bu’n eu cefnogi ar eu taith EDI, bydd Claris yn trafod pam fod rhai byrddau yn cwtogi eu hymrwymiadau EDI tra bod eraill yn bwrw ati a beth fedrai canlyniadau gwneud y naill neu’r llall fod.

10.15yb Sesiwn panel — Byrddau cymdeithasau tai: o’r sylfeini i’r dyfodol

Bydd ein panel yn trafod heriau bod yn aelod bwrdd a sicrhau llywodraethiant effeithlon mewn amgylchedd cynyddol gymhleth. Byddwn yn trafod sut mae byrddau wedi esblygu, ymchwilio anghenion y dyfodol a chlywed gwahanol safbwyntiau ar drin llywodraethiant mewn cymdeithasau tai.

Mewn sgwrs gyda:

• Tobi Owolabi

• Olubunmi Ajayi-Obanewa

• Wiard Sterk

• Gemma Watkins

11.10am Gweithdai

Safonau Iaith – beth allai hyn olygu i’r sector tai?

Bydd Osian Llywelyn, y Dirprwy Gomisiynydd Iaith, yn ymuno â ni i drafod goblygiadau’r Safonau Iaith a’r hyn y gallai’r pontio i’r safonau hyn ei olygu’ yn ymarferol i’r sector. Bydd yn amlinellu sut y bydd swyddfa’r Comisiynydd yn cydweithio gyda chymdeithasau tai ac yn ateb cwestiynau i gefnogi cymdeithasu tai i baratoi ar gyfer y newid yma.

• Osian Llywelyn, Dirprwy Gomisiynydd Iaith
  
  

Egluro Cyllid: Gweithdai ar gyfer Byrddau

Mae deall y rhifau yn allweddol i wneud pendefyniadau gwybodus – ond gall adroddiadau ariannol weithiau deimlo fel iaith arall. Mae’r gweithdy ymarferol hwn yn esbonio’r eirfa, gan roi’r dulliau hanfodol i aelodau Bwrdd (a thimau gweithredol) i ddehongli gwybodaeth ariannol yn hyderus, gofyn y cwestiynau cywir a gyrru penderfyniadau strategol. Perffaith ar gyfer y rhai sy’n dymuno cryfhau eu trosolwg ariannol heb fynd ar goll yn y manylion.

• Sarah Prescott, Rhedyn Consulting

Mapio diwylliant eich sefydliad

Bydd y sesiwn yma yn rhoi diffiniad clir o beth yw “diwylliant” a’r effaith y gall ei gael ar berfformiad sefydliad. Cewch cyfle i ddefnyddio Map Diwylliant Insight i adnabod y cryfderau a’r risgiau posibl yn eich diwylliant presennol. Bydd y Map yn eich helpu i ganfod “enillion cyflym” i gefnogi’r diwylliant rydych eisiau ei gryfhau a lle i ddechrau newid mwy sylweddol. Yn olaf, bydd y gweithdy yn edrych sut mae diwylliant sefydliadol wedi newid fel canlyniad i weithio hybrid a’r hyn y mae’n ei olygu ar gyfer gweithgareddau newid diwylliant.

• Pip Gwynm, Insight HRC

Diweddariad Rheoleiddio

Ymunwch â’r gweithdy hanfodol hwn a gyflwynir gan y Rheoleiddiwr Tai Cymdeithasol lle bydd cynrychiolwyr yn ystyried materion rheoleiddiol allweddol sy’n llunio’r sector. Bydd y sesiwn yn rhoi gwybodaeth werthfawr ar yr heriau rheoleiddiol cyfredol ac yn cynnig arweiniad ymarferol ar gyfer sicrhau cydymffurfiaeth a gwella safonau tai. Mae’n gyfle i weithwyr proffesiynol tai i gysylltu gyda’r rheoleiddiwr a chael dealltwriaeth ddyfnach o’r datblygiadau diweddaraf yn y sector.

• Maria Round ag Amy Bailey, Llywodraeth Cymru

1.1pm Prif Araith — Creu diwylliant gyda chysylltiad: Deall y profiad dynol
John Sills

Bydd John Sills, awdur blaenllaw a phartner yn The Foundation yn trafod arwyddocâd y profiad dynol. Bydd yn defnyddio ei ymchwil helaeth ac enghreifftiau go iawn i ddangos pam fod profiadau emosiynol yr un mor bwysig â rhai swyddogaethol, a sut y gall sefydliadau ac arweinwyr ddefnyddio hyn.

1.50yp Gweithdai

Diogelu rhag Bygythiadau Seiber sy’n Esblygu’n Barhaus

Yn y sesiwn yma, bydd yr Hyb Arloesedd Seiber yn rhoi gwybodaeth ar sut y gall sefydliadau eu diogelu eu hunain yn effeithlon rhag risgiau seiber. Mae bellach yn achos o pryd, nid os, y bydd eich sefydliad yn dioddef ymosodiad seiber. Bydd hyn yn cynnwys ystyried sut i reoli digwyddiadau, rhai egwyddorion pwysig ar gyfer cyfathrebu a rhai camau ymarferol i wella sefyllfa seiberddiogelwch eich sefydliad. Mae hon yn sesiwn hanfodol ar gyfer unrhyw un sy’n dymuno gwella cydnerthedd eu sefydliad ac aros ar flaen bygythiadau seiberddiogelwch.

• Andy Dodge, Hyb Arloesedd Seiber
  
  

Llywio’r farchnad yswiriant tai cymdeithasol: heriau a strategaethau

Mae’r farchnad yswiriant tai cymdeithasol wedi wynebu heriau sylweddol dros yr ychydig flynyddoedd diwethaf gyda dewis cyfyngedig, darparwyr allweddol yn gadael y farchnad gan greu cyfyngiadau galluedd a gorfodi llawer o sefydliadau tai i geisio datrysiadau eraill. Mae bellach arwyddion fod y farchnad yswiriant tai cymdeithasol yn dechrau gwella. Bydd y sesiwn yma yn edrych ar yr esblygiad yn nhirwedd yswiriant tai cymdeithasol, gyda ffocws ar lywodraethiant, rheoli risg a dulliau strategol i sicrhau sicrwydd digonol. Byddwn yn trafod goblygiadau newidiadau yn y farchnad ar gyfer byrddau a gweithwyr proffesiynol risg, ymchwilio arferion gorau ar gyfer lliniaru cysylltiad ac ystyried sut y gall sefydliadau lywio amgylchedd yswiriant cynyddol gymhleth.

• Jill Jones, Gallagher

Effaith Rheoliadau Defnyddwyr yn Lloegr

Dywedwyd fod cyflwyno safonau defnyddwyr newydd ar gyfer tai cymdeithasol yn Lloegr yn ffordd o hybu gwelliant i safonau tai cymdeithasol yn Lloegr. Yn y gweithdy yma bydd Ceri Victory-Rowe yn edrych ar yr effaith a gafodd y safonau hyd yma.

• Ceri Victory-Rowe, Campbell Tickell