QuE pasaría sI...?

SEMANA 1

MUNDO ORDINARIO

Bart vive o seu día a día en Springfield, facendo trastadas no colexio, molestando aos mestres e escapando das responsabilidades. É un rapaz rebelde que prefire as aventuras e as bromas antes que o estudo ou a disciplina. Nada parece indicar que sexa especial... agás os problemas que semella atraer constantemente

"CHOIVA"DE ACTIVIDADES PARA FACER:

• Cómic dun día na vida de Bart

• Mosaico con fotos (físico ou dixital) de elementos da vida de Bart

• Descrición da fin de semana de Bart

• Mapa conceptual da rutina diaria de Bart

CHAMADA Á AVENTURA

Un día, Bart recibe unha misteriosa carta entregada por un gran moucho. A carta está dirixida a el e di que foi aceptado no "Colexio de Maxia e Feitizos de Hogwarts". Ao principio, Bart pensa que é unha broma, seguramente de Milhouse ou da súa irmá Lisa, pero a carta inclúe detalles sobre como atopar o camiño ao colexio e o seu nome está escrito correctamente (o que sorprende porque ata a súa nai soe confundirse), ademais de saber información sobre el que pensaba que ninguén coñecía. 

"Tormenta" de actividades

• A carta de Hogwarts

• Stop-motion da chegada do moucho que lle trae a carta a Bart

• Podcast ou vídeo coa reacción de Bart

• Debuxo do moucho mensaxeiro

REXEITE Á CHAMADA

Aínda que llo conta a súa irmá, Bart, sendo como é, non lle fai caso á carta. "Por que querería ir a un colexio onde hai que estudar maxia? Iso soa a moitos deberes!", di. 

Aínda así, comeza a notar cousas raras: o skate empeza a frotar sin explicación, as luces da súa habitación apáganse soas cando está preocupado, e unha das veces que se enfadou con Homer, este transformouse temporalmente nun xabaril.

Choiva de ideas:

• Conversa entre Lisa e Bart sobre a chegada da carta

• Teatro de improvisación onde dramatizamos o non de Bart

• Memes do rexeitamento de Bart á aventura

• Debuxo dunha escena onde Bart intenta desfacerse da carta

SEMANA 2

ENCONTRO CO MENTOR

Hagrid aparece na casa de Bart para explicarlle que é un mago e que Hogwarts é o lugar onde aprenderá a controlar os seus poderes.

Hagrid, impresionado pola irreverencia e as preguntas inadecuadas de Bart, insiste en que este ten un enorme potencial, aínda que el non o vexa. Tamén menciona que o mundo máxico está en perigo, e que as cualidades que ten Bart (a astucia, o valor e a cretividade, así como a súa retranca e sentido do humor) poderían ser clave

TORMENTA DE IDEAS:

• Debuxo do mentor

• Escena dramatizada de Bart e o seu mentor

• Cómic representando o encontro entre o mentor e Bart

• Pensades que Hagrid é o mentor correcto para convencer a Bart. De non ser asi que outros mentores propoñedes?

CRUZAMENTO DO UMBRAL

Finalmente convencio por Hagrid e pola súa nai Marge, que está encantada coa idea de que Bart vaia a un colexio prestixioso), Bart embarca no Expreso de Hogwarts. Ao chegar, queda abraiado co colexio, os demais alumnos e o mundo máxico. Non obstante, tamén se sinte fóra de lugar, xa que moitos dos outros alumnos parecen moi disciplinados e serios

CHOIVA DE IDEAS

• Construcción na aula de "Polos Creativos" e coas fichas Lego do colexio de Hodwarts

• Lista do que ten que levar Bart na maleta ao marchar para o colexio

• Diario das impresións de Bart do primeiro día e sobre os novos compañeiros

• Storyboard da viaxe a Hogwarts

ALIADOS/AS, ENEMIGOS/AS, PROBAS

En Hogwarts, Bart enfréntase ao Sombreiro Seleccionador, que dubida entre Slytherin e Gryffindor antes de envialo a Slytherin. Bart faise amigo de compañeiros como Luna Lovegood (que adora as súas ideas tolas) e de Fred e George Weasley (os reis das bromas). Pero tamén se gaña enemigos, como Harry Potter, que considera que Bart, que axiña se fai amigo de Draco Malfoy, é unha vergoña para o colexio.

Ao mesmo tempo, Bart ten que afrontar desafíos nas clases, e non sempre con resultado feliz. Durante unha lección contra as Artes Escuras, convértese en coello por accidente e debe ser rescatado por Hermione (o que non lle gusta nada a Harry). Na clase de Pocións, intenta facer unha "bebida explosiva" que acaba estoupando no laboratorio e ferindo, sin gravidade, ao mestre.

TORMENTA DE IDEAS

• Creación dunha ficha de diferentes alumnos que serán relevantes nesta historia

• Unha receita de poción para a clase de Pocións Máxicas

• Idear un plan para a resolución dunha proba que lle poñen a Bart os compañeiros como novatada que é entrar no despacho do director

• Crear as regras para un Xadrez Máxico

• Elaborar o monólogo do Sombreiro Seleccionador no que decide a que casa irá Bart

receitas da clase de pocións

SEMANA 3

INTERNAMENTO NA CAVERNA PROFUNDA

Bart, tras un comezo caótico en Hogwarts, enfróntase ao desafío de encaixar nun mundo onde non se respectan as súas bromas nin a súa actitude irreverente. Durante unha clase de Pocións, por erro, Bart crea unha perigosa "variña de duplicación" que duplica calquera obxecto ao tocarlle. Draco Malfoy, o seu mellor amigo, convence a Bart de que esa variña podería darlle vantaxe en Hogwarts.

Mentras tanto, Harry Potter, que desconfía de Bart, vixía os seus movementos, convencido de que Bart é un perigo para o equilibrio da escola.

"TORMENTA" DE ACTIVIDADES:

• Debuxo ou creación da "variña de duplicación"

• Conversa entre Draco e Bart cnvencendoo de que use a variña

• Meme de Harry Potter desconfiando de Bart 

A POBRA SUPREMA

A situación complícase cando Bart e Draco intenta usar a variña na Sala dos Menesteres para duplicar as súas persoas, asi mentras os dobles van a clases, eles poden saír da escola.

A variña, con mais poder do esperado, desata unha serie de copias descontroladas que invaden o castelo: mesas e cadeiras que camiñan, criaturas máxicas sin contros, libros que berran, cadros que cobran vida...

Harry Potter lidera un grupo de alumnos para deter o caos, acusando a Bart de poñer en perigo Hogwarts.

Bart, nun momento de verdadeiro heroísmo, utiliza a súa creatividade, e a maxia que aprendeu en segredo, para controlar a situación, destruíndo todos os dobles e estabilizando a variña.

CHOIVA DE IDEAS:

. Stop Motion no que Bart usa a variña e duplicanse as cousas

. Mapa do caos en Hogwarts

. Xogo de estratexia do alumnado contra os dobles

. Cómic da "guerra" e de como Bart triunfa

A RECOMPENSA

Ao superar este desafío, Bart gaña o respecto de parte do alumnado, incluído algún amigo de Harry Potter.

Draco, impresionado, proclama a Bart como o mellor alumno que Hogwarts viu nunca.

Bart, pola súa parte, comeza a aceptar que ten un papel especial no mundo máxico e que a súa habilidade para improvisar e innovar é mais valiosa do que pensaba, e iso gústalle

TORMENTA DE IDEAS

. Debuxo de Bart e Draco celebrando a victoria

. Cómic de Bart recoñecido como o mellor alumno

. Entrevista na radio "O profeta" a Bart

. Escenificación da entrega do tíitulo a Bart como "mellor alumno"

SEMANA 4

REGRESO CON PERSECUCIÓN FINAL

Cando Bart decide regresar temporalmente a Springfield para descansar e visitar a súa familia, Harry descobre que levou con el, sin permiso, a variña de duplicación, desobedecendo as normas de Hogwarts.

Harry, convencido de que Bart sigue sendo un perigo, organiza unha persecución polos corredores da escola.

Bart, coa axuda de Draco, utiliza o seu skate máxico e unha serie de bromas improvisadas para evitar a captura. A persecución remata na Sala dos Menesteres, onde Bart queda atrapado e debe enfrentarse a Harry a ao resto dos estudantes

CHOIVA DE IDEAS

• Storyboard da persecución

• Podcast con testemuñas da persecución

• Cada grupo deseñará feitizos que Bart debe usar para escapar de Harry

• Xogo de mesa: Brat contra Harry

NOVA RESURRECCIÓN

No momento mais crítico, Bart demostra que o seu crecemento como mago vai mais alá das bromas. Usa a maxia que aprendeu para transformar a variña de duplicación nun obxecto inofensivo. Ademais, engana a Harry para que pense que xa non hai perigo. Nesta fase, Bart, non só resolve o conflito sen violencia, senón que tamén gaña a aceptación de Harry Potter como un mago único, pouco convencional pero efectivo.

Draco, polo seu lado, reafirma a súa amizade con Bart, convencido de que xuntos son imparables

CHOIVA DE IDEAS

• Cómic da transformación da variña de duplicación

• Breve historia das vindeira aventuras de Bart e Draco

• Monólogo de Bart onde reflexiona sobre como evitar novos conflictos

RETORNO CO ELIXIR DO COÑECEMENTO

Bart regresa a Springfield para as vacacións, levando consigo o que aprendeu en Hogwarts: que pode ser divertido, creativo e valente ao mesmo tempo.

Tamén leva unha versión máxica mellorada do seu skate, un caderno de bromas que só el pode abrir e unha confianza renovada no seu potencial.

No seu mundo ordinario, Bart aplica os seus novos coñecementos para mellorar as súas bromas e afrontar os seus pequenos desafíos diarios cun toque máxico, demostrando que o verdadeiro heroe é quen sabe equilibrar os dous mundos.

CHOIVA DE IDEAS

• Diario de Bart con reflexións personais do que aprendeu na escola

• Cada alumno diseña un obxecto que Bart levará consigo ao seu mundo ordinario

• Gravación entre Lisa e Bart contándolle como é a escola

• Historia curta das vacacións de Bart