Lan plan orokorra
LAN PLAN OROKORRA. ZER? ZERTARAKO? NOLA? NOIZ?
Proiektuan markatutako helburu estrategikoak zein orokorrak gauzatuz joan ahal izateko ondoko planifikazio proposamenarekin abiatu gaitezkeela deritzogu.
Eskola Txikietako Zuzendarien mintegiak:
- Egitekoa:
- Zuzendari mintegien egiteko nagusia Eskola Txikien beharrizan propioak aztertzea eta diagnostikatzea izango da.
- Baita behar horiek asetzeko proposamenak lantzea eta elkarri laguntzea ere.
- Antolaketa:
- Probintzia bakoitzak bere antolatzeko era propioak zehaztu beharko ditu.
- Antolaketa on bat egitearekin taldean lanean jardun ahal izateko erraztasuna, gertutasuna eta eraginkortasuna bermatu nahi da.
- Bilerak Berritzegune ezberdinetan izango dira eta Koordinatzaileak arduratuko dira bileren kudeaketaz, deialdiak egiteaz, proposamenak luzatzeaz …
Eskola Txikietako Zuzendarien Topaketak:
- Egitekoa:
- Esperientzien trukaketa gune bat sortzea da lan dinamika honen zeregina.
- Hausnarketa saio bezala ere planteatu daitezke, gai orokorrei buruz aritzeko, nortasun ezaugarrietan sakontzeko.
- Antolaketa:
- Probintziaka egingo da topaketa, baina, gaiak edo lan dinamikak elkarrekiko lotuak izango dira probintzia ezberdinetan. Arabakoak, gutxi izateak dinamika apurtu ez dezan, Bizkaitarrekin zein Gipuzkoarrekin elkartzeko aukera izango dute.
- Probintzia bakoitzean 2 koordinatzaileek egingo dituzte antolaketa lanak eta saioen kudeaketa eta ondorioen jasoketa.
Eskola Txikietako irakasle berrientzat hasierako formazio saioak:
- Egitekoa:
- Eskola Txikietan berriak diren irakasleentzat formazio saioak eskainiko dira Eskola Txikien ezaugarri propioetara ondo egokituz joan ahal izateko.
- Formazio hauetarako gaiak eta lan ildoak koordinatzaileek adostu eta landuko dituzte eskolen errealitate ezberdinetatik abiatuta.
- Antolaketa:
- Probintziaka antolatuko da formazioa, Araban, Bizkaian eta Gipuzkoan.
- Koordinatzaileek ardura hartu beharko dute formazio saio horiek nola banatu eta ardura nola hartu adosterakoan.
Eskola Txikietako irakasleentzat sakontzeko formazio saioak:
- Egitekoa:
- Adin aniztasunaz, txikitasunaz eta landa eremuan kokatuta egoteaz hausnartzea, proposamen berritzaileak lantzea eta inplikazio pedagogiko zein profesionalez pentsatzea izango da saio hauetan bultzatuko den zeregina.
- Antolaketa:
- Probintziaka egingo da formazioa.
- Parte hartuko dutenak Eskola Txikietan esperientzia duten pertsonak izango dira, ikasturte batzuetan zehar esperientzia izan dutenak.
- Guztion ekarpenak kontuan izan beharko dira, baina, koordinatzaileak arduratuko dira gaiak zentratzeaz, lan ildoak proposatzeaz, hausnarketarako abiapuntuak markatzeaz ...
Eskola Txikietako Lakuako Batzorde Nagusia birsortzea eta horren koordinazio lanak:
- Egitekoa:
- Eskola Txikien Plan estrategikoa diseinatzeaz arduratuko da lan talde hau.
- Eskola Txikien testuinguruan inportanteak diren aktoreen parte hartzea bermatu beharko da.
- Antolaketa:
- Hezkuntza Saileko Zuzendaritza ezberdinek, Landa Garapeneko Zuzendaritza ezberdinek, Eskola Txikietako Koordinatzaileek, Gurasoen ordezkariek eta Udal txikien ordezkariek parte hartuko dute lan saio hauetan.
- Gaiak planteatzeko plan estrategikoan zehaztutako helburuetatik abiatu beharko da.
- Egoerak aztertuta Eskola Txikien errealitateari erantzun propioak emateko bideak diseinatu beharko dira.