LIBURUTEGIKO BARNE ARAUAK

Liburutegiko arduradunak agintzen du.

Irakurri eta ikasteko isilik egotea oso lagungarria da, beraz, zerbait esatekotan ez dugu ozen hitz egingo.

Astiro ibiliko gara, korrika egin gabe.

Erabili eta gero, liburuak dagozkien apaletan ipiniko ditugu, bizkarrak agerian utzita.

Mahaiak eta aulkiak txukun eta beren tokietan utziko ditugu. Kontuz mugitzean sortzen den zaratarekin!

Ez dugu inoiz bertan jan edo edango.

Arau hauetariko baten bat ez betetzeak, liburutegiko kanporaketa dakar.

MAILEGUEN ARAUTEGIA

Liburutegiko mailegua liburutegiaren zerbitzu bat da eta honen bidez liburuak maileguz ematen dira.

Maileguen kontrola hurrengo jarraibideekin burutzen da:

- Maileguz emango den dokumentua identifikatu.

- Liburua hartuko duen irakurlea identifikatu.

- Maileguak irauten duen bitartean, dokumentuaren datuak eta irakurlearenak erlazionatu.

- Irakurleari fitxa baten bidez, zein egunetan itzuli behar duen jakinaraziko zaio.

- Liburuak 15 egunez mailegatuko dira eta gehienez 2 ale. Epea beste 15 egunez luzatu ahal izango da. Oporraldietan maileguak luzeagoak izan daitezke.

- Ikus-entzunezkoak eta liburuak batera eraman ahal izango dira.

- Ikus-entzunezkoen materialen epea 5 egunekoa izango da.