陳：阿鴻，你敢知影咱學校一年365工，哪一工最熱鬧嗎？
倪：知影啊，當然嘛是運動會彼天上熱鬧！
陳：無錯，規欉好好！
逐年的運動會彼一天，攏會有真濟人來參觀，
嘛有已經畢業的 (學長學姐)會轉返來，
所以，那一工當然要好好表現，袂使漏氣，
要共咱上好的一面表現出來予
看矣！
倪：
運動埕足熱鬧
規陣囝仔做運動
One more
Two more
動動腳手上健康
陳：上健康。
倪：
選手入場上活潑
唱歌跳舞蓋有扮
認真表演足精彩
來賓拍噗仔真呵咾
陳：讚讚讚。
陳：
走鏢比賽足刺激
有的走到落鞋仔
有的走到倒頭栽
大家看得笑咍咍
團體走相逐~~
同心作伙拚輸贏
看啥~~較厲害
倪：當然是我卡厲害。
陳：你莫臭屁。
倪：逐擺運動會，除了走相逐的比賽以外，趣味比賽嘛是重點。
你敢知影，阮今年的趣味比賽是啥物？
陳：今年咱六年仔的趣味比賽是搝大索，比賽的兩隊，站佇大
索的兩爿，大索的中央綁一條紅布仔，陀一隊佇時間內底
共紅布仔，搝~~超過塗跤畫的線，彼隊就算贏！
倪：搝大索，看起來真簡單，毋過，欲予選手同時間出力，贏著比賽，
真正是不簡單。尤其是搝輸的時陣，一个無注意，規隊的人就會
跋跋倒！跌得糸糸麼麼(瞇瞇帽帽)~~
陳：我聽講，外國的搝大索比賽，會專工撿佇水邊的兩爿比賽，
輸的彼隊會全部跋入去水底，毋才叫做『拔河』！
倪：真期待彼工較緊來矣！
陳：對啦，你敢有參加100公尺和團體的走相逐？
倪：有啊，兩項我攏有參加。啊~你咧？
陳：我同款兩項也攏有參加啊！
倪：哈，若有你參加，阮這班一定會贏！
陳：你的意思就是講我人大箍走袂緊就對啦！
我共你講，像你瘦閣薄板，搝大索的時，
我一个人會使拄你們兩三个！
有我參加比賽，搝大索一定是阮這班贏！
倪：莫受氣，共你滾耍笑啦。其實輸贏是一回事，上重要的是比賽
當中ㄟ堅持，這才是運動家的精神！
陳：今年是咱佇學校參加運動會的最後一年，想起來就想要哭哭！
倪：免傷心啦！逐年的運動會，攏非常熱鬧，我想，就算咱畢業矣，
也會使轉來學校參加走相逐！
陳：好，咱就按呢約定！畢業了後，學校辦運動會的時陣，
咱逐家就相招轉來學校，參加上懷念的運動會！
倪：我是(阿鴻)
陳：我是(阿樺)
以上是阮兩人的答喙鼓表演，多謝逐家！