Топлинско изолирање

           Изработка на технички решенија, елаборати и проекти за топлинска заштита според важечките MKS EN ISO (2005) стандарди во Македонија и ПРАВИЛНИК ЗА ЕНЕРГЕТСКА ЕФИКАСНОСТ НА ГРАДЕЖНИТЕ ОБЈЕКТИ, според барањата на Законот за градба.

Tоплинско изолирање

Заштита од кондензација и влажење

          Обезбедување на правилна дифузија на водената пареа во градежните конструкции и спречување на појава на кондензат НА и ВО градежните конструкции, особено во топлинско изолацискиот материјал:

• • Заштита на луѓето што престојуваат во нив од нехигиенските и нездрави услови за живот што се јавуваат како последица од појавата на влага и мувла во објектот.

  • Обезбедување на коректна дифузија на водената пареа со избор на соодветен систем на топлинска заштита или топлинско изолирање - со правилни градежно-физички решенија, правилни градежно-физички детали  и правилен избор на градежни и топлинско изолациски материјали со цел да се заштитат конструкциите од градежни оштетувања предизвикани од штетното делување на неправилната пародифузија, кондензација и создадена трајна влага НА и ВО конструкциите. 

  • Спречување на појава на површинска кондензација која ја разорува ентериерската обработка на просториите и спречување на создавање предуслови поволни за одредени заболувања што се јавуваат како последица од влага и мемла во објектот.

Заштеда на енергија во високоградбата

           Затоплувањето (кaкo и разладувањето) на просториите претставува голем издаток за потрошената енергија, како во приватниот така и во јавниот буџет, и е многу важно како располагаме со неа и како ја трошиме. Обезбедување соодветни градежни конструкции на објектите, од градежно-физички аспект, како и примена на правилни топлинско изолациски материјали (види: минерални волни ISOVER) нивно правилно вградување во конструкциите, може значително да ги намали годишните трошоци за потрошена енергија и енергенти (електрична енергија, нафта, дрво, јаглен...). Во зимскиот период правилно топлински изолираните простории и конструкции  во голема мерка ќе ги спречат загубите на топлината низ градежните конструкции што претставуваат гранични површини помеѓу топлото и студеното (фасадни ѕидови, меѓукатни конструкции, подови на терен, покриви, поткровја, прозорци...) а во периодот на летните жештини ќе го намалат продорот на врелиот воздух во просториите.

           Со правилен избор на вкупна соодветна топлинска заштита и топлинско изолирање на објектот со правилни градежно-физички решенија, правилни градежно-физички детали и користење на правилни градежни и топлинско изолациски материјали, може да се обезбеди намалена вкупна годишна потрошувачка на топлинска енергија дури и до 40%.