El Dio Alto
El Dio alto con su gracia
Mos mande muncha ganancia
Non veamos mal ni ansia
A nos y a todo Israel.
Bendicho el Abastado
Que mos dió día honrado
Cada sabat mejorado
A nos y a todo Israel.
Rogo al Dio de contino
Que esté en muestro tino
Non mos manque pan ni vino
A nos y a todo Israel.
Vos que sosh Padre rajmán
Mandamos el pastor neemán
Que mos sea de buen simán
A nos y a todo Israel.
Venid todos adjuntemos
A Su nombre bendeciremos
Y de El demandaremos
La bendición (regmición) de Israel.
Roguemos noche y día
Habemos de gozo y alegria
Con toda la compania
A nos y a todo Israel.
Dio abre Tu cellero
Y damos muncho dinero
Siempre de Ti espero
Que eres Santo y Fiel.
Damos Señor Tu bendición
Con la buena condición
Amostramos Tu salvación
Del mikdash Ariel.
Ya es bien abastado
Lo que habemos pasado
Mandamos a el hontado
Mashiaj rey de Israel.
Mijael sar Israel,
Eliyau y Gabriel
Vengan juntos con el goel
A salvar a Israel.