Eusle ekimena hizkuntza-murgiltze programa bat da, Lehen Hezkuntzako 4., 5. Eta 6. mailetan eta Bigarren Hezkuntzako 1. eta 2. mailetan gure hezkuntza-sistemara etorri berri diren ikasleei eskolako komunikazio-hizkuntza, euskara, eskuratzeko prozesua errazteko.

Eskola orduz kanpoko laguntza eraldatzen duen programa bat da. Parte hartzen duten ikastetxe publikoek eta Hezkuntza Konplexutasunaren Indizea (HKI) oso altua edo altua duten ikastetxeek izango dute lehentasuna, betiere deialdiko baldintzak betetzen badituzte. 

Estrategia honek diziplinarteko proiektuak garatu nahi ditu, curriculumaren alderdi guztiak aldi berean eta modu integratuan ikasteko eta STEAM funtsezko gaitasunen garapena bermatzeko, pentsamendu zientifiko, teknologiko, artistiko eta matematikoaren kultura sustatzeko, eta ikasleak inspiratzea ebidentzian oinarritutako arrazoibidea erabiltzera erabakiak hartzeko, diziplina horiekiko lana sustatzera eta ikasleengan oinarritutako hezkuntza-prozesu sortzaile eta berritzaileak gauzatzeko beharrezkoa den aldaketa metodologikoa egitera, metodologia aktiboen bitartez, hala nola lankidetza-lana, arazoen ebazpena (PBL), proiektuetan oinarritutako ikaskuntza (POI), eta ekintzailetza, pentsamendu kritikoa, sormena eta iraunkortasunaren kultura sustatzen saiatzera.