Guida Wii · Com pogui configurar era region dera consòla en Andòrra?
Guida Wii · Com pogui configurar era region dera consòla en Andòrra?
S'auetz de besonh ajuda damb quinsevolhe causa dera guida, non dobtatz a junher-vos ath servidor Discord deth projècte.
Ara configuracion deth país dera Wii li manquen fòrça païsi e territòris deth mon, Andòrra n'ei un. Açò pòt resultar incomòde entàs andorrans que voletz emplegar eth canau Metèo o mostrar era localizacion e era banèra deth país en Mario Kart Wii.
Totun, ara i a ua solucion: eth projècte WiiLink includís informacion meteorologica locau d'Andòrra, e era traduccion deth wiicat de Mario Kart Wii ahig era banèra e era posicion ath glòb deth petit país. Per profitar aguesta foncionalitat (que tanben foncione entà quin país ath delà que sigue que Nintendo non auesse), seguitz aguesta guida.
1. Auratz de besonh era aplicacion homebrew coneishuda coma AnyGlobe Changer. Telecargatz era darrèra version ací.
2. Copiatz-la ath vòste aparelh e cargatz-la damb eth canau Homebrew.
Nòta: Se voletz hè'c damb er emulador Dolphin, ei un shinhau diferent. En prumèr lòc, semble que solament era version 1.0 foncione, de sòrta qu'auratz de telecargar-ne aguesta. En dusau lòc, asseguratz-vos qu'era foncion "Allow Mismatched Region Settings" sigue activada. E per darrèr, solament cau cargar eth fichèr boot.dol dirèctaments.
3. Desplaçatz-vos entre es opcions enquia que trobatz Andòrra, dempús moiguetz er indicador cap enjós e seleccionatz Save.
4. Verificatz que s'age realizat corrèctaments e dempús gessetz. Ara era vòsta Wii ei configurada coma Andòrra.
Nòta: Com qu'era Wii ei ara configurada en ua region que non coneish, bèri canaus que non demoren ua region diferenta (coma era version RiiConnect24 deth canau Metèo) apoiridien díder qu'era vòsta region non ei compatibla o no mostrar-ne cap. Asseguratz-vos, per exemple, d'utilizar era version WiiLink deth canau Metèo entà obtier era informacion meteorologica dera vòsta parròquia e d'emplegar era traduccion catalana de Mario Kart Wii entà veir era banèra d'Andòrra ath costat deth vòste nòm.