الجزء 01

.الاسره مكونه من ام واب وبنتين و ولد ..

سلمي عمرها ٢٠ سنه ومشاء الله عليها .. بي لونها الدهبي ..والشعر الناعم ..والعيون الواسعه .و قوامها الفارع .يا الله . كل شئ بيتمناه الراجل فيها .. امها اسمها ريه ..واختها الكبيره اسمها سليمه ..وابوهم حسن .. طبعا سلمي مدلعه اكتر من الازم .. لما اخوانها بغيرو علي الاهتمام الزايد .. والاخوان مرارتهم عايزه تتفقع منها.

سلمي بتحب واحد اسمو ابراهيم .وابراهيم بحب سلمي مووت وعايز يتزوجها. لكن عمنا حسن رافض حته الزواج دي عشان هو بحب سلمي شديد وعايزها تقعد معاهو في البيت ..

العزر كان لي ابراهيم انو سلمي لسه صغيره للزواج ...ابراهيم .. طبعا اتصدم من رد حسن ليه لكن قال بيصبر عليها ..وريه طبعا ابراهيم عاجبها شديد لدرجة بقت تهتم بيه زي ولدها محمد .وسليمه محرووقه من الحب البين سلمي و ابراهيم . لكن المشكله وين ارحكم نشوف المشكله سواء في مخطوفه الجن....

ابراهيم اتصل علي سلمي بالليل في وقت متأخر وتعود ان يسمع صوتها قبل ان ينام .. وسلمي راقده في السرير وشعرها نازل علي الارض ..وهي في انتظار المالكمه من حبيبها وفعلا رن جرس التلفون ررررن رررن

الوووووووهليييييين حبيبي ..ابراهيم اي حبيبتي .. ليه ابوك عمل معاي كدا رغم اني مجتهد شديد في موضوع الزواج دا .. سلمي لا حبيبي ابوي ماقاصد شئ بس عايزني اقعد معاه عشان كدا ردا ليك كدا ... لكن انا ح ادبر الموضوع مع امي .. ابراهيم خلاص ماشي نتكلم الصباح يلا من غير ماتفكري نومي طوالي يا حبيبتي ..تصبحي علي خير .. ابراهيم انجدع في سريرو وبقي يفكر ويحلم انو اتزوج سلمي .. وسلمي نفس الحلم ... عاشتو .. غالبا النوم واستسلمت له ...

سلمي صحت بدرى وطلعت من غرفتها الخاصة بيها علي عكس اختها سليمه بتنوم مع امها واخوها الصغير محمد

. ومشت صبحت علي امها وابوها..

ريه صباح الخير حبيبتي اصبحتي كيف ..سلمي والله يا امي بخير بس مانمت كويس الليل كلو صاحيه..وعايشه في احلامي .. ريه ربنا يحقق ليك احلامك يا بنتي .. وبي جاي سليمه مولعه عيونها وبتسمع .. وطوالي رفعت حاجبها فووق وسلمت عليها ..هاي حبيبتي سلمي .. هلاا براهيم اصبحتي كيف .. تمام كيفك ي امي ..،ريه الحمدلله بخير .. سلمي مشت شالت صينيه الشاي ل حسن ابوها وهنا سليمه انتهزت الفرصه.. انتي يا امي ليه سلمي دي بتعاملوها كده انا والله زعلانه من الموضوع دا وبعدين فكرت انها تتكلم مع ابراهيم علني كدا يا امي شويه انا شايفاها ما كويسه في حقكم انتو زاتو وطريقتها دي برضو ماعجباني اسي كان دي انا كان شاكلتوني وسمعتوني فارغ. لوت حنكها بطريقة اضحكت امها .

ريه.. معليش يا حبيبتي انتي الزيك منو ي سليمه .. بس خايفين علي اختك الصغير من النفسيات وانتي عارفها حساسه كيف .. سليمه خلاص ي امي خلاص اسكتي ..والله اذا قلت ليك بنتك دي ح تنفع بكون كذبت عليك . وطوالي سليمه جهزت عشان تمشي لجامعتها وهي في قمة الزعل حتي الشاي ابت تشربو من الغيره الشديده.. وسلمي يا عيني مسكت التلفون تتصل وبتطمئن علي حبيبها ابراهيم من الصباح.. امها دخلت عليها وقالت ليها تعالي حبيبتي خلي التلفون واشربي الشاي .. واثناء ما هم بشربوافي الشاي امها طوالي من غير تردد فتحت الموضوع مع حسن زوجها .. اها ي ابو الوليدات نحنا احسن لينا نزوج سلمي دي لي ابراهيم ونخليها تعيش معانا هنا يا حسن....حسن لا يا ام اولادي شايفه البيت صغير ومابشيلنا اذا اتزوجت وسكنت معانا.. وبعدين موضوع الزواج دا اخير نخلي شويه كدا . علي الاقل مانتحرم من سلمي ..

سلمي ..ليه ياابوي ياخ انت. اي شئ تاجلوه لي الجامعه قلتو ما اقرأ وعملتو نفسكم خايفين علي من العين وحتي ابراهيم يا ابوي عايزين تحرموني منو..لا لا يا امي .. انا بحب ابراهيم شديد ولازم نتزوج انا وابراهيم في السنه دي ... قامت امها قالت ليها والله يا بتي انا غير سعادتك عايزه شنو وبعدين العمر زاااتو ما معروف انا بخلي ابوك اقتنع وانتي ما تزعلي روحك ...

سلمي خشت تستحمي وامها لاحظت انو بنتها إتأخرت و ساعه ماطلعت ..سلمي حست بشئ عجيب داخل الحمام لكن ما ركزت خالص ..ريه دقدق بدق في باب الحمام يابنت ي سلمي اطلعي خلاص من الحمام انتي بتعملي في شنو .. سلمي حاضر يا امي انا خلاص طالعه .. طلعت سلمي من الحمام والشعر مسدول ومتسبسب علي جبنها ونازل لي نهايه ضهرها.. الله يحفظك يا سلمي ...... اما سليمه رجعت من الجامعه وغيرت ملابسها وخشت غرفه سلمي .لقتها قاعده براها وراقده كعادتها وماسكة التلفون قامت نادتها .. سلمي عليك الله قومي نضفي الصاله انا والله ياداب خشيت وتعبانه والله يلا قومي ساعديني ..سلمي كويس بس بعد شويه بس منتظره ابراهيم لي قال ح يرجع وعايزني في موضوع . ..سليمه ..ياخ تاني ابراهيم ..كرهتيني البيت والله ي سلمي ابراهيم ابراهيم ..ردت عليها سلمي بكل مكتبة 

⁩

خير ماعاجبك امشي كلمي لي ابوي ..وهنا سليمه عيونها اتملو دموع وقالت دي اختي الصغيره عاينو بتعاملني كيف .. سلميه خير خلاص ماتعملي شئ خليك راقده في سريرك دا ..انا ح انضف.... سلمي وبغرورها أتاففت اوووووووف بنت جنها نقه وفي اللحظه تلفونها ضرب رررررن رنه ابراهيم الخاصة .. ابرهيم ولا سلم طوالي قال ليها اسمعي يا حبيبتي عليك الله ألبسي بسرعه خلينا نطلع ..وربي مشتاق للقعده معاك .. سلمي حاضر حبيبي .. مع انوانت عارف ابوي زول صعب شديد وممنوع أطلع من البيت الا للضروه .. لكن ح يتفهم الشوق الحاصل دا وضحكوا مع بعض هههههههه..حسن لقي سلمي بنتو لابسه اخر قيافه. ..والله ماشاءالله يا سلمي عيني بارده عليك لكن ماشه وين ... سلمي عايزه اطلع يا ابوي مع صحبتي ......طيب ماتتاخري .. سلمي حاضر يا ابوي ..

و وراها بسمه وقليب عيون بقول لي ابوها انها كذابا طبعا ابوها شكي فيها لكن لما ترجع سلمي حنعرف ردت فعلو .. ابرهيم واقف بعيد شويه من بيت ابو سلمي ومنتظرها تطلع عشان يمشو .. سلمي مما ظهرت ليه بي اخر فستان عندها بالون الاسود والبرتقالي .حبها شديد وقال ليها الفستان فيك موت بجد ....طبعا سلمي دنقرت من الخجل.. جات طوالي ركبت في العربيه ابراهيم دور وفاتو قعدو ليهم في مطعم راقي واخدو ونستهم .. وراجعين علي البيت .. ابراهيم اتحسس سلمي من يدها وضماها شديد.. قبل ماتنزل وقال ليها بجد انا بحبك .. ونزل طوالي علشان يفتح ليها باب العربيه لكن حصلت .ليهو حاجة غريبه . ومن غير اي مقدمات ابراهيم دا ضربو جسم غريب ماشي بسرعه خياليه ابراهيم. مشي مسافه مترين حتي وقع في الارض وبقي يكورك.......