الجزء 06

احب ايمن سماح كثيرا وهو ذميلها ف الجامعه ولكن لم يعترف لها من قبل وهي ايضا كانت معجبه به وتري الحب ف عينيه .... في حين ان استاذهما باسل كان يزداد اعجابا بسماح كل يوم من قبل فهي اخذت من امها الجمال نفسه....

و ف يوم قرر ايمن ان يعترف بحبه لسماح...

ايمن:- سماح عايزك ف موضوع انا

سماح:- جدا اتفضل

ايمن:- انا حادخل ف الموضوع طوالي... انا والله عايزك ورايدك وبالحلال ان شا الله

سماح:- كيف يعني😳

ايمن:- يعني بالواضح انا داير اجي البيت اطلبك

سماح:- كيف يعني بتقول ف شنو

ايمن:- زي م سامعه انا معجب بيك من زمان ونحنا خلاص دي سنتنا الاخيره وبعد اتخرج انا حاسافر طوالي فلو م استعجلت وطلبتك اسي م معروف البسبقني منو..

بس انا عايز اعرف جوابك انتي شنو وبعد داك بجيك البيت لي ابوكي طوالي لان عايز علاقتنا تبدا بالحلال

احست سماح براحه كبيييره فهي وكبر ايمن ف نظرها فاخلاقه عاليه جدا لانه لم يستغلها ابدا بل تركها علاقته معها ف حدود الزماله الي ان قرر ان يتقدم اليها...

سماح:-🙈 والله م عارفه كدي اديني وقت لي بعدين

ايمن:- جدا اخدي وقتك وانا بتصل عليك بعدين اعرف جوابك...

رجعت سماح الي المنزل وهي ف غايه السعاده وهي تفكر ف ذلك الشخص الشهم ...

وجاء الليل وكانت سماح تترقب اتصال ايمن بها... وبعد وقت اتصل ايمن...

سماح:- الوو

ايمن:- كييفك ي ست الحسن

سماح:- كويسه الحمدلله

ايمن:- اها مستنيك انا نفسي اسمع جوابك..

سماح:- متلهف لللدرجه دي

ايمن:- اكييد انتي قولي بس رايك شنو...

سماح:- اممممم طيب انا م عندي مشكله بس اكلم اهلي واشوف رايهم شنو...

ايمن:- ي سلاااام احلي خبر اسمعو ف حياتي... وانا ان شاء الله حاجيكم بعد توريني راي اهلك...

سماح:- خلاص تمام...

انتظرت سماح الي ان اتي الصباح وذهبت الي ابيها...

سماح:- ابوي

الطيب:- عيون ابوكي

سماح:- انا عندي ليك كلام

الطيب:- طيب سامعك ي بتي قولي

سماح:- انا والله عندي زميلي ف الجامعه حابي يتقدم لي

الطيب:- دا منو كمان

سماح:- والله ي ابوي دا اول دفعتنا وهو اول مره يجي يقول لي الكلام دا امس وان جاي البيت طوالي...

الطيب:- لالا تب م ف مشكله خلي يجي البيت نشوفو...

سماح:- خلاص تمام بخلي يجي بعدين بس هو حيجي براهو لان اهلو بره...

الطيب:- طيب خلي لمن يجي بنتفاهم وبكلم اخوانك للمساء يكونو في...

سماح:- تسلم ي ابوي..

وذهبت سماح وهي سعيده جدا واخبرت امها بالامر ايضا...

فاطمه:- خبر السرووور ي بتي ان شا الله ربنا يتم ع خير...

واخبرت سماح ايمن بان اباها سينتظره اليوم بعد المغرب... وسعد ايمن كثيرا بهذا الخبر.....