Студенттер, абитуриенттер жана ата-энелерге колдонмо
НПКнын учурдагы абалы
Колледждин дареги:
Кадырбай Мамбетакунов атындагы Нарын педагогикалык колледжи
Кыргыз Республикасы, Нарын шаары, С.Жакыпов көчосү 27.
Тел./факс: (3522) 5-11-91, 5-65-53.
Э-почта:npkcollege@mail.ru
Веб-сайт: www.npu.nsu.kg
Нарын педагогикалык колледжинин миссиясы:
Улуттук жана маданий баалуулуктарды сактоо менен орто кесиптик адистиктер боюнча тереӊ билимдерге ээ болгон, жаны билим берүү технологияларын ишке ашырууга даяр, эмгек рыногунун талаптарын канааттандырган кесипкөй адисти-инсанды даярдоо.
Билим берүү мекемесинин түзүү жөнүндө маалыматтары:
Педагогикалык окуу жайы 1939-жылы ачылган. Биринчи Нарындагы мугалимдерди даярдоочу окуу жайы, 1951-1955-жж. Мугалимдер институту, 1955-ж. кайрадан педагогикалык окуу жайы. Кыргыз Республикасынын Өкмөтүнүн 19.07.1996-жыл №331 токтому жана Кыргыз Республикасынын Президентинин «Нарын Мамлекеттик Университетин түзүү» жөнүндө №172 жарлыгына ылайык 1996-жылдын 22-майынан тартып училище Нарын мамлекеттик университетинин курамына кирген. 2014-жылы 4-ноябрда №01-12/186 буйругун негизинде НМУнун алдындагы К.Мамбетакунов атындагы Нарын педагогикалык колледжи болуп өзгөртүлгөн.
Билим берүү мекемесинин уюштуруу-укуктук формасы жана менчик формасы тууралуу маалыматтар:
НПКнын орто кесиптик билим берүүчү мекемеси, менчиктүүлүктүн түрү: мамлекеттик окуу жай болуп эсептелет. КРнын ББжИМнин алдындагы лицензиялоо жана аккредитациялоо (аттестациялоо) боюнча мамлекеттик инспекциясынын чечими менен (протокол № 18/0337 2018-ж.) К.Мамбетакунов атындагы Нарын педагогикалык колледжке № LC 1850000440 Лицензиясы берилген. НПКнын Уставы Нарын облусунун юстиция башкармалыгынан 2014-жылдын 17-ноябрында ГПР №0015584 каттоодон кайра ѳткѳрүлүп, №142026-3304-М-е күбѳлүгү берилген.
Нарын педагогикалык колледжи Кыргыз Республикасынын Билим берүү министрлигинин системасында иштейт. Түздөн-түз көзөмөл Нарын мамлекеттик университети тарабынан жүзөгө ашырылат. Колледж комплекстүү кесиптик билим берүү программасын ишке ашырат жана орто кесиптик билим берүүнү камсыз кылууда.
Азыркы учурда, колледж күндүзгү жана сырттан окуу формасында9-11-класстын базасында төмөнкү адистиктер боюнча адистерди даярдайт:
К.Мамбетакунов атындагы Нарын педагогикалык колледжинин лицензия боюнча маалыматы:
Колледждин максаты:
Ортонку билим беруу звеносунда билим берүү ишмердүүлүгүнүн натыйжалуулугун жогорулатуу, ошондой эле билим сапатын камсыз кылуу менен орто кесиптик билимге ээ болгон адистерди даярдоо.
Кадырбай Мамбетакунов
Кыргыз совет акыны жана драматургу
ЖАРЫК КӨРГӨН КИТЕПТЕРИ:
Шоола: Ырлар. – Ф. 1971.
Hyp көпүрө: Ырлар жана поэмалар. – Ф.
Жубар берметтер: Ырлар жана поэмалар. – Ф.
Омор Хайамдын махабаты: Драмалар. – Ф. 1986.
Айкөл Манас – Б. 1995.
Арзуу: Ырлар жана поэмалар. – Ф.1989. 2-чыгарылышы Б.2015.
Жазгүл: Тырнактай пьеса. – Ф. 1990.
Өмүр баяны
Кадырбай Мамбетакунов Тянь-Шань районундагы Алыш айылында 1939-жылы 15-июнда туулган.
К.Мамбетакунов 1956-жылы Нарын шаарындагы Токтогул атындагы орто мектепти,
1961-жылы Кыргыз мамлекеттик университетинин филология факультетин бүтүргөн.
Эмгек жолун 1955-жылы Нарын облустук радиосунда диктор болуудан баштаган.
1961-жылы Нарын шаарындагы Токтогул атындагы мектепке кыргыз тили жана адабияты боюнча мугалимдикке жолдомо алат.
1965-жылы Нарын шаардык элге билим берүү бөлүмүнүн башчылыгына,
1967-жылы Нарын педагогикалык окуу жайынын директорлугуна дайындалган.
1971–1980-жж. Кыргызстан Компартиясынын Нарын обкомунда инструктор, саясий агартуу башчысы, үгүт-насыят бөлүмүнүн башчысынын орунбасары.
1980-жылдан Нарын облустук Муратбек Рыскулов атындагы музыкалуу драма театрында адабият бөлүмүнүн башчысы,
1984-жылдан «Кыргызстан» басмасынын көркөм адабият редакциясынын башчысы,
1986-жылдан ошол эле басманын башкы редактору болгон.
Чыгармачылыгы
Чыгармалары 1960-жылдан баштап жарыялана баштаган. Алгачкы «Шоола» аттуу ырлар жыйнагы 1971-жылы жарык көргөн. «Омар Хайямдын махабаты» (1980), «Үкөй» (1978), «Акын жана ажал» (1987), «Боз бойдок» (1989), «Соңку жомок» (1989) драмалары көрүүчүлөргө кеңири маалым. Кыргыз тилине А.Мудриктин «Жогорку класстын окуучуларын тарбиялоо жөнүндө» деген китебин, Карел-Финн элинин атактуу «Калевала» эпосун которгон. Драматургдун «Нарын козголоңу», тарыхый пьесасы, «Соңку жомок» фантастикалык драма-новелласы орус тилине которулган. 1980-жылдан СССР Жазуучулар союзунун мүчөсү.
В.И.Лениндин туулган күнүнүн 100 жылдыгынын урматына «Каарман эмгеги үчүн», «Эмгек ардагери» медалдары менен сыйланган. СССР басма сөзүнүн, Кыргыз ССР эл агартуусунун отличниги. А.Осмонов атындагы республикалык адабий сыйлыктын лауреаты.
Эл депутаттарынын Нарын шаардык Советинин депутаттыгына, Кыргызстан Компартиясынын Нарын шаардык жана облустук комитеттеринин мүчөлүгүнө, агартуу кызматкерлеринин профсоюзунун Нарын шаардык комитетинин төрагалыгына шайланган. Кыргызстан жазуучулар Союзунун Башкармалыгынын мүчөсү болгон.
Окуу кабинеттеринин жайгашуу схемасы:
1-кабат
№1 — кабыл алуу кабинети
№2 — директордун кабинети
№3 — директордун окуу иштер боюнча орун басары
№4 — окутуучулар болмосу
№5 — сырттан окуу болуму
№6 — педагогика окуу аудиториясы
№7 — практика боюнча методикалык кабинет
№8- технология кабинети
№9- бухгалтерия
№10- конференция кабинети
№11- мектепке чейин билим беруу окуу аудиториясы
№12- технология мастерской
№13- дене-тарбия окуу аудиториясы
2-кабат
№14- этнопедагогика окуу аудиториясы
№15- экология окуу аудиториясы
№16- компьютердик класс №1
№17- компьютердик класс №2
№18- ИЗО
№19- адабият окуу аудиториясы
№20- психология окуу аудиториясы
№21- тарых окуу аудиторичсы
№22- физика окуу аудиториясы
№23- англис тили окуу аудиториясы