Mahal kong Ako (a.k.a. Future Ako),

Hoy, kumusta? Ikaw ito, pero mas matanda, mas matalino (sana), at hopefully, mas mayaman! Isinusulat ko ito mula sa hinaharap para siguraduhin na hindi ka pa nagkakalat ng sobra sa buhay. Kung nababasa mo ito at feeling mo pagod ka na sa buhay, relax! Hindi mo pa nga nararanasan ang tunay na stress, hintayin mo lang, may surprise pa ang universe para sa iyo!

Una sa lahat, gusto kitang i-congratulate. Oo, kahit wala pa akong idea kung ano ang nangyari sa iyo, confident ako na may nagawa kang tama kahit papaano. Kung hindi mo pa naaabot ang pangarap mo, chill ka lang—kahit si instant noodles, kailangan pa rin ng tatlong minuto para maluto. Baka naman gusto mong bawasan ang stress at dagdagan ang tulog mo? Hindi mo kailangang i-Google kung ilang oras ang recommended na tulog basta siguraduhin mong hindi lang power nap ang buhay mo! By the way, kumusta na ang pangarap nating magka-abs? Wala pa rin? Well, at least alam kong consistent ka. Pero kung sakali mang natupad na ito, aba, proud ako sa ‘yo! Kung hindi pa… sige na nga, tanggap ko na rin. Basta healthy ka, okay na!

Alam kong minsan parang gusto mo na lang maging halaman para hindi na kailangan mag-isip. Pero seryoso, kahit anong mangyari, huwag kang susuko! Hindi ka broccoli, tao ka at may misyon ka sa mundong ito. Hindi ko pa sure kung ano ‘yun, pero sigurado akong mas malaki ito kaysa sa pag-aasam mong maging professional bed tester.

Huwag mo rin kalimutang magpasalamat sa mga taong sumusuporta sa iyo. Kahit ‘yung kaibigan mong nangungutang at hindi nagbabayad at least, siya ang dahilan kung bakit nagiging responsible ka sa finances mo. At kung sakali mang dumaan ka sa matinding heartbreak, tandaan mo: walang heartbreak na hindi natatapos sa masarap na pagkain at Netflix marathon. At higit sa lahat, tandaan mong hindi sukatan ng tagumpay ang pagiging sobrang busy. Kung wala ka nang oras manood ng memes o humiga nang walang dahilan, baka kailangan mo nang magpahinga. Kaya sige, laban lang, Ako! Ang mahalaga, masaya ka sa ginagawa mo at hindi ka nakakalimot sa tunay na buhay. Mag-ipon, mag-enjoy, at huwag puro add to cart ng pyesa ng motor! 

Lubos na nagmamahal,

Ang Mas Matandang (at Hopefully, Mas Mayaman) Mong Sarili.