ხედვა 

2030 წლისთვის სსიპ – ნოდარ დუმბაძის სახელობის ქალაქ რუსთავის N21 საჯარო სკოლა იქნება უსაფრთხო, ინკლუზიური და განვითარებაზე ორიენტირებული საგანმანათლებლო სივრცე, სადაც მოსწავლეები, მასწავლებლები და მშობლები ერთობლივად ქმნიან სწავლა-სწავლების მხარდამჭერ გარემოს. პროფესიონალთა გუნდი უზრუნველყოფს თითოეული მოსწავლის ინდივიდუალური შესაძლებლობების, ინტერესებისა და ნიჭის გამოვლენასა და განვითარებას.
სკოლა აღზრდის კრიტიკულად მოაზროვნე, პასუხისმგებელ და თვითრეალიზებაზე ორიენტირებულ ახალგაზრდებს, რომლებიც დემოკრატიულ და ეროვნულ ღირებულებებზე დაყრდნობით შეძლებენ გააზრებული არჩევანის გაკეთებას და წარმატებით ჩართვას მუდმივად ცვალებად საზოგადოებრივ და პროფესიულ გარემოში.