Sa araling ito, ikaw ay inaasahan na:

• napaguuri-uri ang pangngalan ayon sa kayariang payak, maylapi, inuulit at tambalan 

Ang Pangngalan ay ngalan ng tao, bagay, lugar, hayop o pangyayari. Mayroon itong apat na kasarian. Ang mga ito ay: Panlalaki, pambabae, di-tiyak at walang kasarian.  

KAYARIAN NG PANGNGALAN

Ang pangngalan ay may apat na kayarian:

1. Payak – Ito ay pangngalang binubuo ng salitang-ugat lamang (rootword) 

Halimbawa: pamilya, baryo, bukid, kuwaderno, gusali, araw, pula, bulag, sinag, saya, sipag, lolo, isda, lapis, pinto                                               

2. Maylapi – Ito ay pangngalang binubuo ng salitang-ugat at panlapi. Halimbawa: kapayapaan, kaibigan, katandaan, pangalan, pag-ibig, kaisipan, kalikasan, mapula, mabuhay, binuhay, buhayin

UNLAPI GITLAPI HULAPI KABILAAN

maulan iniwan bilihin kapayapaan

umasa sumayaw sulatan kabutihan

nagdasal sinigang ibigin palakasan

panlaba lumakad aklatan kayamanan

mabato binasa aralan aaminin

3. Tambalan – Ito ay tumutukoy sa pangngalang binubuo ng dalawang magkaibang salitang pinag-isa. 

Halimbawa: bahay-kubo, kapitbahay, bahaghari, hanapbuhay (trabaho), kapitbahay, hampaslupa, Kutonglupa (maliit),  kapitbisig (magkaisa)

Tambalang ganap Tambalang di-ganap

bahaghari punongkahoy

hanapbuhay     bahay-kubo

kapitbahay     silid-aklatan

4. Inuulit – Ito ay pangngalan na ang bahagi o kabuuan ay inuulit. Ang pag-uulit ay ganap kapag ang kabuuan nito ay inuulit. 

Halimbawa: kahon-kahon, araw-araw, kalong-kalong 

Ang pag-uulit ay di-ganap kapag ang bahagi lamang ng salitang-ugat ang inuulit. Halimbawa: pagsusuri, ari-arian, alun-alon, agad-agad, 

Pag-uulit na ganap Pag-uulit na di-ganap

gabi-gabi sali-salita

bahay-bahay bali-balita

taon-taon minu-minuto

araw-araw