Os hábitos son accións que se repiten de maneira automatizada case sen darnos conta ao longo do tempo. Son como programas que temos instalados e que funcionan en piloto automático..
Darse conta dos hábitos que temos pode ser a diferenza entre aprobar e suspender un exame.Unha maneira de empezar a melloralos é exporse primeiro as seguintes preguntas:
Os meus hábitos axúdanme?
Os meus hábitos lástranme?
Segundo investigadores da Universidade de Duke, “os hábitos representan aproximadamente o 40% dos nosos comportamentos nun día
determinado”. É dicir, case a metade do que facemos ao longo do día, repetímolo de forma automática porque sempre o fixemos así.
Pola contra, cando realizamos unha actividade que é nova para nós, necesitamos moita motivación e esforzo para realizala.. Sigue lendo
Require: intención( por desexo ou obrigación) +saber como facelo + repetición
É un proceso que require mínimo 21 días
Obxectivos concretos, nunca abstractos. Isto facilitará focalizar a nosa meta. Por exemplo, un obxectivo abstracto sería “beber máis auga”, e o mesmo obxectivo de forma concreta sería “beber 2 litros de auga ao día”.
Dividir en fases pequenas. Iniciarnos en algo nos pode custar un mundo, polo que se poñemos unha tarefa curta e fácil será menos difícil non facelo. Por exemplo, se o noso obxectivo é beber 2 litros de auga ao día, podemos empezar engadindo dous vasos na primeira semana, e facelo en momentos nos que nos resulten agradables.
Introducir o cambio dentro da nosa rutina. Ademais de facelo agradable, temos que tentar normalizar o novo comportamento, polo que canto máis nos acompañe no noso día a día, mellor que mellor!! Por exemplo, para engadir a nova cantidade de auga na nosa rutina, farémolo sen modificar as nosas actividades. Se adoito tomarme un café despois de comer, antes engadirei un vaso de auga. O resultado será que saborearei mellor o café, ademais de estar a introducir o meu obxectivo de forma positiva.
Calendarizar. Á vez que os obxectivos deben ser concretos, a súa data de consecución tamén é recomendable que o sexa. Desa forma, temos marcada unha data límite para introducir o novo hábito, e axudará a manter a constancia. Por exemplo, estamos en xaneiro, e en marzo teño que estar a tomar 2 litros de auga ao día. Sabemos que temos dous meses para introducir de forma constante e en pequenas fases as novas cantidades de auga. É unha boa ferramenta facelo de forma visible, marcando nun calendario a data de comezo e final, e os logros que fomos conseguindo. É unha forma de palpar os resultados e motivarnos cada día.
Recompensar o traballo ben feito. Por pouco que sexa, ninguén rexeita algo agradable e beneficioso. E iso é o que se pretende cando nos damos unha recompensa polo traballo ben feito, á vez que reforzamos o comportamento que queremos integrar na nosa rutina. Por exemplo, se engadimos o vaso de auga antes de tomarnos o café que nos encanta, a sensación vai ser positiva, e non nos importará tomar ese vaso de auga porque sabemos que despois vén algo que nos encanta.