傳統唸謠

ABC狗咬豬，

阿公仔坐飛機，

跋一下冷支支。

叫醫生，

來甲伊醫，

醫一下跤骨大小支，

醫一下跤骨大小支。

一的抄米香，二的抄韭菜，

三的強強滾，四的抄米粉。

五的五將軍，六的六子孫，

七的蚵仔飼麵線，

八的講伊卜分一半，

九的九嬸婆，十的撞大鑼。

打你千，打你萬，

打你一千零五萬，

羞羞羞袂見笑，

猜輸唔甘願，玩輸起蝦龜，唔甘願起蝦龜，

我卜來去投老師，投老師。

一年仔倥倥，二年仔孫悟空，三年仔吐劍光，

四年仔愛膨風，五年仔上帝公，六年仔閻羅王，閻羅王。

人插花，人插花，伊插草。

人抱嬰，人抱嬰，伊抱狗。

人未嫁，人未嫁，伊先走。

人坐轎，人坐轎，伊坐畚斗。

人睏紅眠床，伊睏屎礐口。

人睏紅眠床，伊睏屎礐口。

大箍呆哎喲白目眉，無人請你就家己來。

來來大箍呆炒韭菜，燒燒一碗來，冷冷阮無愛。

大箍呆炒韭菜，燒燒一碗來，冷冷阮無愛。

大箍呆，到今你才知，到今你才知。

大頭旺仔伊都一粒珠，相打唔認輸。

夯竹篙托金龜，金龜一下飛。

哎喲大頭旺放風吹，風吹斷了線。

大頭旺仔傢伙，哎喲去一半。

火金姑來食茶，茶燒燒，食根蕉。

根蕉冷冷，食龍眼。

龍眼愛撥殼，換來食藍菝仔，藍菝仔全全籽，

害阮食一下落喙齒，害阮食一下落喙齒。

點仔點仔點水缸，啥乜人仔放屁爛跤尻。

點仔點仔點茶甌，啥乜人仔今晚卜來阮兜。

點仔點仔點茶壺，啥乜人仔今晚卜娶某。

點仔點仔點叮噹，啥乜人仔今晚卜嫁尪。

點仔點仔點水缸，啥乜人仔放屁爛跤尻。

點仔點仔點書包，啥乜人仔今晚卜來阮兜。

點仔點仔點鉛筆，你若是歹囝仔才做白賊也。

點仔點仔點紛紛，你是英雄好漢去做軍。

龍眼干，三兩半，你點燈，我來看。

龍眼干，三兩半，你點燈，我來看。

看啥乜，看新娘，新娘美咚咚，嫁好尪。