1. 一兩三四五六七八九，歡歡喜喜學客事

2. 你來唱歌𠊎跳舞，你來彈琴𠊎打鼓

3. 一兩三四五六七八九，歡歡喜喜好朋友

1. 溜溜溜滑梯，寬寬溜落去，

2. 足歡喜，足歡喜，足歡喜。

3. 像一隻鳥在飛，像一隻鳥在飛，

4. 像一隻鳥在飛。

1. 涼涼个北風唚一下，害青青个樹葉面紅紅，

2. 涼涼个北風擱唚一下，害青青个樹葉飛起來。

3. 嗚嗚嗚唚一下，嗚嗚嗚唚一下。

1. 電視關莫个時務，𠊎聽著，聽著麼个？

2. 一隻蟲，兩隻蟲，三隻蟲。

3. 唧唧，唧唧唧唧，唧唧，唧唧唧唧，

4. 唧唧唧唧，好睡啊。

月光光，起屋起在田中央。

三牙魚，煎火油，食食打哈啾。

愛唩愛笑，鴨嫲屋崠打孔翹。

月光光，撿田螺，做水缸，

燶禾稈，潑粗糠。

咿咿咿，崙下人，無志氣，

去崙背䀴戲，對崙子頭跌到半死。

崙背人，無面皮，走來崙下撿番薯。

崙下人，無志氣，走來崙背䀴大戲。

白卵鷥，撿田螺。

撿幾多籮？撿兩籮。

一籮得伯公，一籮得伯婆。

阿啾箭，阿啾哥，

檳榔提來食，交椅擔來坐。

坐久久，無茶嘛有酒。

七姑星，六姊妹，鴨擔水，鵝洗菜，

狐狸煮飯貓炒菜，豬媽鼢地好種菜。

雨大大，涿蝦𧊅；雨細細，涿老蟹。

老蟹坎坎爬，堵著一隻老猴嫲。

月光光，秀才郎，

騎白馬，過魚塘。

一尾魚，七尺長。

魚肉自家食，

魚骨請新阿郎。

一、兩、三，阿婆去洗衫。

四、五、六，阿婆去斗六。

七、八、九，阿婆去食酒。

十、十一、十二，

阿婆笑到嘴噳噳。

白卵鷥，擔畚箕，撿田螺。

撿幾多籮？撿三籮。

一籮得家官，一籮得家婆，

一籮分得人食，

毋罅，蒔田加割禾。

日頭出來一點金，

阿哥蒔田，阿妹擔點心，

點心擔來田頭坐，

阿哥招妹唱山歌，

山歌唱來四句聯，

阿哥愛妹無愛錢。