O obxectivo é traballar e instaurar hábitos físico-saudables entre o alumnado, familias e docentes, é dicir, toda a comunidade educativa. Pero por que razón xorde este proxecto?

Todo isto nace dos últimos estudos realizados por diferentes asociacións e entidades que traballan no ámbito da saúde e que indican o preocupante e crecente aumento da obesidade infantil. Ante esta situación ideamos un atractivo proxecto un grupo de máis de 200 docentes que pon en valor as accións persoais de cada un dos alumnos e alumnas, as súas familias, profesores e o propio Centro; xa que desde a educación, e en especial, a Educación Física, podemos desenvolver interesantes mecanismos e accións que incorporen esas rutinas físico-saudables nas súas vidas, as nosas vidas, reducindo pouco a pouco estes malos datos e devolvendo a saúde perdida ao noso organismo. Todas esas accións e evidencias recompensaranse coa suma de "kilómetros saudables PiEFcitos" para todos aqueles Centros, aulas e grupo de discentes que leven a cabo distintas actuacións de carácter motriz, favorecedoras da reciclaxe, hábitos lectores ou de alimentación en busca dunha educación integral que inflúa na súa personalidade como cidadán activo e reflexivo.